Deimhnigh go bhfuil an t-ainm úsáideora ceart agus an pasfhocal ceart á n-úsáid agat (féach ‘An bhfuil d’ainm úsáideora/logáil isteach dearmadta agat? / An bhfuil do phasfhocal dearmadta agat?’).

Meabhrúchán: níl cead agat níos mó ná aon chuntas EPSO amháin a chruthú; i gcás inar scriosadh do chuntas EPSO, is féidir leat ceann nua a chruthú chun iarratais a dhéanamh amach seo. B’fhéidir gur scriosadh do chuntas EPSO i gcomhréir leis an ráiteas príobháideachais maidir le cosaint sonraí pearsanta. Is é sin le rá, is minic a scriosaimid na cineálacha seo cuntas:

• Cuntais EPSO a cruthaíodh níos mó ná bliain amháin ó shin ach nach ndearnadh aon iarratas iontu
• Cuntais EPSO a ndearnadh iarratas amháin ar a laghad iontu, agus ar fíor ceann acu seo a leanas i leith na n-iarratas a rinneadh:
  • Cuireadh ar phainéal thú agus earcaíodh níos mó ná bliain amháin ó shin thú;
  • Cuireadh ar phainéal thú agus níor earcaíodh thú, ach tá deireadh leis an bpainéal sin anois;
  • Níor cuireadh ar phainéal thú agus tháinig deireadh leis an bpróiseas roghnúcháin níos mó ná bliain ó shin.

Ní ceadmhach níos mó ná aon chuntas EPSO amháin a bheith agat agus is féidir thú a dhícháiliú ag céim ar bith den phróiseas roghnúcháin má tá níos mó ná cuntas amháin agat.

Is féidir leat a sheiceáil an bhfuil cuntas EPSO agat cheana féin anseo: An bhfuil d’ainm úsáideora/logáil isteach dearmadta agat? Cuir isteach, ceann ar cheann, na seoltaí ríomhphoist go léir a d’fhéadfadh sé a d’úsáid tú chun cuntas EPSO a chruthú, agus féach an gcuirfear teachtaireacht chuig aon cheann de na seoltaí ríomhphoist sin.

Féadfaidh tú an pasfhocal a fháil ar ais mar sin chun rochtain a fháil ar do chuntas EPSO arís: An bhfuil do phasfhocal dearmadta agat?

Más rud é nach féidir leat logáil isteach go fóill agus mura gcuimhníonn tú an seoladh ríomhphoist atá i do chuntas EPSO nó mura bhfuil rochtain agat ar an gcuntas sin a thuilleadh, déan teagmháil linn láithreach. Má sheolann tú cóip de do chárta aitheantais nó de do phas chugainn, agus má thugann tú do sheoladh ríomhphoist nua dúinn, is féidir linn sonraí an ríomhphoist a athrú i do chuntas EPSO.

Más gá duit do sheoladh ríomhphoist a athrú agus má tá rochtain agat go fóill ar an seoladh ríomhphoist atá nasctha le do chuntas EPSO:

Is féidir leat féin do sheoladh ríomhphoist cumarsáide a athrú i do chuntas EPSO trí chliceáil ar ‘Sonraí pearsanta’ agus ansin ar ‘Cuir mo shonraí pearsanta in eagar’. Ná déan dearmad é a shábháil tar éis duit an t-athrú a dhéanamh.

Nuair a bheidh do sheoladh ríomhphoist nua nasctha agat le do chuntas EPSO, déan teagmháil linn go práinneach arís tríd an bhfoirm theagmhála chun a dheimhniú go bhfuil an t-athrú curtha i gcrích agat, ionas gur féidir linn an conraitheoir a chur ar an eolas faoin athrú ar do sheoladh ríomhphoist.

Más gá duit do sheoladh ríomhphoist a athrú agus mura bhfuil rochtain agat a thuilleadh ar an seoladh ríomhphoist atá nasctha le do chuntas EPSO:

Seol teachtaireacht nua chugainn tríd an bhfoirm theagmhála in éineacht le cóip de do chárta aitheantais nó do phas ar a léirítear dáta do bhreithe. Beimid in ann tú a aithint sa chóras agus an seoladh ríomhphoist a athrú duit.