Iarratas a dhéanamh ar an gcomórtas Iniúchóireachta (AD 7)

Tá an tAontas Eorpach ag lorg saineolaithe i réimse na hiniúchóireachta chun teacht isteach ina sheirbhís shibhialta.

Tá an Oifig Eorpach um Roghnú Foirne (EPSO) ag seoladh comórtas oscailte chun painéal a thiomsú as a mbeidh institiúidí, comhlachtaí agus gníomhaireachtaí an Aontais Eorpaigh in ann baill nua den tseirbhís shibhialta a earcú mar riarthóirí (grád AD 7).

I do cháil mar riarthóir i réimse na hiniúchóireachta, is féidir go mbeidh an méid seo a leanas ar na cúraimí a bheidh ort:

Cur le pleanáil iniúchóireachta straitéiseach agus bhliantúil, ina measc sin topaicí iniúchóireachta a shainaithint agus a chur in ord tosaíochta bunaithe ar anailís riosca agus ar chuspóirí eagraíochtúla.
Iniúchtaí inmheánacha agus seachtracha a dhéanamh, lena gcumhdaítear comhlíonadh, feidhmíocht (luach ar airgead), agus gnéithe airgeadais.
Iniúchtaí ar chórais TF a dhéanamh.
Measúnú a dhéanamh ar a éifeachtaí, a éifeachtúla agus a bharainní atá bainistíocht airgeadais, rialachas, bainistíocht riosca, agus chórais rialaithe inmheánaigh an iniúchaí.
Tuarascálacha iniúchóireachta, tuairimí agus moltaí a dhréachtú agus a chur faoi bhráid an lucht bainistíochta agus na bpáirtithe leasmhara.
Tascanna iniúchóireachta a stiúradh agus a chomhordú, ina measc sin cúraimí a leithdháileadh, maoirseacht a dhéanamh ar bhaill foirne, measúnú a dhéanamh ar fheidhmíocht, agus monatóireacht a dhéanamh ar bhuiséid ama agus ar cháilíocht na hoibre.
Modheolaíochtaí iniúchóireachta, uirlisí agus bainistíocht eolais a fhorbairt agus a fheabhsú.
Páirt a ghlacadh i gcúraimí dearbhaithe cáilíochta agus i ngníomhaíochtaí piarmheasúnaithe i gcomhréir leis na caighdeáin idirnáisiúnta maidir le hiniúchóireacht ghairmiúil.

San fhógra comórtais tá eolas mionsonraithe faoin bpróiseas roghnúcháin, faoi na critéir incháilitheachta, faoin nós imeachta iarratais agus faoi na dualgais shonracha a dhéanfaidh na hiarrthóirí a n-éireoidh leo (féach Iarscríbhinn II – Príomhdhualgais), rud atá le fáil ar an leathanach iarratais ach cliceáil ar an gcnaipe ‘Tús a chur leis’ thíos.

Sprioc-amanna tábhachtacha

Is féidir iarratas a dhéanamh ón 14 Aibreán 2026 agus is é an 19 Bealtaine 2026ar 12:00 (meán lae), am na Bruiséile, an sprioc-am do na hiarratais.

Ní mór d’iarrthóirí cóip scanta dá gcárta aitheantais nó dá bpas bailí a uaslódáil faoin 19 Bealtaine 2026 ar 12:00 (meán lae), am na Bruiséile, agus cóipeanna scanta de na doiciméid a thacaíonn leis na dearbhuithe a rinne siad ina bhfoirm iarratais a sholáthar faoin 30 Meán Fómhair 2026 ar 12:00 (meán lae), am na Bruiséile.

An bhfuil an mianach ceart ionat?

Chun iarratas a dhéanamh ar an gcomórtas Iniúchóireachta (AD 7), ní mór duit na riachtanais seo a leanas a chomhlíonadh:

A bheith i do náisiúnach den Aontas Eorpach agus cearta iomlána mar shaoránach den Aontas a bheith agat.
Eolas cuimsitheach a bheith agat ar cheann amháin de theangacha oifigiúla an Aontais (leibhéal C1) agus eolas sásúil a bheith agat ar cheann eile de theangacha oifigiúla an Aontais (leibhéal B2).
Ní mór cúrsa ollscoile a bheith críochnaithe agat
Ní mór duit taithí oibre ábhartha idir 5 bliana agus 7 mbliana ar a laghad a bheith agat, arb i réimse na hiniúchóireachta a fuarthas 4 bliana ar a laghad den taithí sin, mar a leanas:
- Cúrsa ollscoile 3 bliana ar a laghad, ar baineadh dioplóma amach dá bharr, agus taithí oibre ábhartha 7 mbliana ar a laghad a fuarthas ina dhiaidh sin, arb i réimse na hiniúchóireachta a fuarthas 4 bliana ar a laghad den taithí sin;
  sin nó
- Cúrsa ollscoile 4 bliana ar a laghad, ar baineadh dioplóma amach dá bharr, agus taithí oibre ábhartha 6 bliana ar a laghad a fuarthas ina dhiaidh sin, arb i réimse na hiniúchóireachta a fuarthas 4 bliana ar a laghad den taithí sin;
  sin nó
- Cúrsa ollscoile 5 bliana ar a laghad, ar baineadh dioplóma amach dá bharr, agus taithí oibre ábhartha 5 bliana ar a laghad a fuarthas ina dhiaidh sin, arb i réimse na hiniúchóireachta a fuarthas 4 bliana ar a laghad den taithí sin.

An próiseas roghnúcháin – Trialacha

Sa phróiseas roghnúcháin don chomórtas Iniúchóireachta (AD 7) tá trialacha réasúnaíochta ar líne, triail réimse-shonrach agus aiste shaorthéacs ar chúrsaí an Aontais Eorpaigh le déanamh. Féadfaidh sé go mbeidh na trialacha sin go léir le déanamh ar an lá céanna nó ar laethanta éagsúla. Cuirfear dátaí beachta gach trialach in iúl do gach iarratasóir tar éis an sprioc-ama le hiarratas a dhéanamh.
Tá na sonraí ar fad le fáil san fhógra comórtais.

Féadfaidh na hiarrthóirí aon dá cheann de 24 theanga oifigiúla an Aontais a roghnú le haghaidh na dtrialacha.

Painéal agus earcaíocht

Cuirfear ar phainéal na hiarrthóirí a n-éireoidh leo sa phróiseas roghnúcháin.

Nuair a chuirfear na hiarrthóirí a n-éireoidh leo ar phainéal, féadfaidh seirbhísí earcaíochta chomhlachtaí agus institiúidí an Aontais ar spéis leo a bpróifíl dul i dteagmháil leo chun agallaimh earcaíochta spriocdhírithe a dhéanamh. Na hagallaimh sin agus aon phróiseas gaolmhar eile, tá siad lasmuigh den phróiseas roghnúcháin a dhéanann EPSO. Is iad na seirbhísí earcaíochta ábhartha a dhéanann na hagallaimh earcaíochta, i mBéarla agus/nó i bhFraincis de ghnáth. Féadfar teangacha eile a úsáid le linn na n-agallamh freisin, de réir riachtanais na seirbhísí earcaíochta agus an eolais a chuir na hiarrthóirí in iúl ina n-iarratas.

Éagsúlacht agus Cuimsiú

As an employer, the institutions and bodies of the EU offer a community of expertise with a wide range of opportunities to broaden your personal and professional development. The multicultural, international and diverse teams that make up the EU Civil Service work together to benefit the lives of approximately 450 million EU citizens and beyond.

The EU institutions and bodies that EPSO works for, are committed to diversity and inclusion. They seek diversity actively and promote inclusion among their staff. EPSO therefore encourages applications from qualified candidates from diverse backgrounds and on the broadest possible geographical basis among the EU Member States.
Learn more about Diversity & Inclusion in the EU institutions and bodies.

Tús a chur leis - Riarthóirí i réimse na hiniúchóireachta