Kif tikkomunika fil-Portal Uniku tal-Kandidati
L-ilmenti jew il-mistoqsijiet dwar il-kompetizzjonijiet immaniġġjati permezz tal-Portal Uniku tal-Kandidati jridu jiġu sottomessi esklużivament permezz tal-Portal Uniku tal-Kandidati.
Il-mistoqsijiet u l-ilmenti sottomessi permezz tal-formoli ta’ kuntatt fis-sit web tal-EPSO mhux se jiġu kkunsidrati.
Jekk ma tkunx tista’ taċċessa l-Portal Uniku tal-Kandidati minħabba problemi tal-EU Login biss, tista’ tissottometti l-mistoqsija tiegħek permezz tal-formola ta’ kuntatt tas-sit web.
Għall-komunikazzjoni l-oħra kollha, agħżel “Il-komunikazzjonijiet tiegħi” fin-naħa ta’ fuq, fuq il-lemin tal-paġna ewlenija tal-Portal Uniku tal-Kandidati.
Illustrazzjoni 1:
Meta tikklikkja fuqu tara l-korrispondenza kollha relatata mal-applikazzjonijiet tiegħek:
L-ittri ppubblikati mill-EPSO
Il-mistoqsijiet u l-ilmenti tiegħek
It-tweġibiet tal-EPSO għall-mistoqsijiet u l-ilmenti tiegħek
- In-notifiki, inklużi l-konfermi tal-wasla awtomatiċi
Tista’ tiffiltra l-korrispondenza skont il-kompetizzjoni u tfittex bil-kliem ewlieni
Ikkuntattjana
Meta tikklikkja “Ikkuntattjana” fuq il-menù tista’ ssib dawn il-formoli ta’ kuntatt:
- Staqsi mistoqsija
Uża din l-għażla għal mistoqsijiet ġenerali relatati ma’ kompetizzjoni jew proċedura ta’ selezzjoni speċifika.
- Ressaq ilment/talba għal rieżami
Uża din jekk tixtieq tressaq ilment jew talba għal rieżami ta’ deċiżjoni. Żgura li tagħżel it-tip ta’ lment xieraq
- Itlob bidla fid-data personali tiegħek
Uża din l-għażla biex taġġorna d-dettalji personali, bħall-isem, il-kunjom, jew id-data tat-twelid tiegħek.
- Itlob it-tħassir jew l-irtirar
Uża din il-formola jekk tixtieq tħassar il-kont tiegħek fil-Portal Uniku tal-Kandidati jew tirtira l-applikazzjoni tiegħek minn proċedura ta’ selezzjoni. - Tella’ dokument ta’ sostenn
Uża din l-għażla biss jekk l-EPSO talbek b’mod espliċitu tipprovdi dokumenti ta’ sostenn addizzjonali.
Pereżempju, matul il-fażi tal-kontroll tal-eliġibbiltà (ara l-Avviż ta’ Kompetizzjoni għad-dettalji kollha), il-kandidati jistgħu jintalbu jipprovdu dokumenti ta’ sostenn addizzjonali. F’każijiet bħal dawn, id-dokumenti mitluba jridu jittellgħu bil-buttuna “Tella’ dokument ta’ sostenn”.
Protezzjoni tad-data
It-talbiet kollha se jiġu ttrattati f’konformità mad-dikjarazzjonijiet dwar il-privatezza rilevanti li tista’ ssib fil-formoli ta’ kuntatt differenti.