Ní chaithfidh. Tá sé saor in aisce iarratas a dhéanamh ar phróisis roghnúcháin EPSO agus páirt a ghlacadh iontu.

Ní ghearrann EPSO aon táillí clárúcháin ná rannpháirtíochta ag aon chéim den phróiseas roghnúcháin.

D’fhéadfadh sé go dtiocfá ar chuideachtaí príobháideacha a chuireann cúrsaí ullmhúcháin, ábhair oiliúna nó cóitseáil ar íocaíocht ar fáil le haghaidh chomórtais EPSO. Is go neamhspleách a chuireann na cuideachtaí sin a leithéid ar fáil agus níl baint acu le EPSO ná le hinstitiúidí an Aontais, ná ní fhormhuiníonn EPSO ná institiúidí an Aontais iad.

Má fheiceann tú teachtaireachtaí, suíomhanna gréasáin nó postálacha ar na meáin shóisialta a thugann le fios nach mór duit táille a íoc chun cur isteach ar chomórtas EPSO, bí san airdeall ar an méid sin má phléann tú leo.

Ní bhfaighidh. Ní sheolfar ríomhphost deimhniúcháin tar éis duit d’iarratas ar chomórtas a chur isteach.

Is féidir leat a fhíorú ar cuireadh d’iarratas isteach ach cliceáil ar ‘Mo chuid iarratas’ i do chuntas ar Thairseach Aonair na nIarrthóirí. Má tá stádas ‘Bailíochtaithe’ ag d’iarratas, ciallaíonn sé go bhfuil d’iarratas curtha isteach.

Caithfidh. Agus iarratas á dhéanamh agat ar chomórtais oscailte do bhaill foirne bhuana, tiocfaidh teachtaireacht aníos má tá eolas éigeantach ar lár i do chuntas iarrthóra nuair a thosaíonn tú iarratas.

Mar a mhínítear sa teachtaireacht, ní mór d’iarrthóirí rannáin éigeantacha áirithe dá bpróifíl a chomhlánú sula ndéana siad iarratas:

• I gcás gach iarrthóra: sa rannán ‘Mo CV’, an méid seo a leanas ar a laghad: 
  • dhá cheann de theangacha oifigiúla an Aontais a chur le ‘Scileanna teanga’, 
  • iontráil amháin a chur le ‘Oideachas agus oiliúint’, 
  • agus cóip de dhoiciméad aitheantais bailí a chur leis. 
• I gcás iarrthóirí seachtracha amháin: ní mór náisiúntacht a chur in iúl sa rannán ‘Mo phróifíl’. 
• I gcás iarrthóirí inmheánacha amháin: ní mór seoladh ríomhphoist pearsanta a chur leis an rannán ‘Mo phróifíl’. 

Nuair a bheidh an t-eolas riachtanach sin comhlánaithe, beidh tú in ann tús a chur le d’iarratas.

Molaimid freisin féachaint ar an bhfíseán teagaisc céim ar chéim faoin dóigh le hiarratas a dhéanamh ar chomórtais EPSO, rud a threoróidh tríd an bpróiseas ar fad thú, agus a chuideoidh leat fadhbanna coiteanna a sheachaint.

Is é an stádas ‘Ar bun faoi láthair’ an stádas a n-athraítear gach iarratas bailíochtaithe chuige go huathoibríoch tar éis an sprioc-ama le hiarratas a dhéanamh.

Ní mór doiciméid tacaíochta a uaslódáil ar bhealach éagsúil ag brath ar an gcéim den phróiseas roghnúcháin atá i gceist. 

Féach na Treoracha maidir le doiciméid tacaíochta a uaslódáil chun treoir mhionsonraithe a fháil maidir le gach cás, agus féach freisin:

Treoracha maidir le conas an fhoirm iarratais a líonadh isteach

Cé na doiciméid atá teastáil chun a chruthú go bhfuilim incháilithe?

I gcás comórtais oscailte:

Is féidir leat do theangacha a athrú fiú amháin tar éis duit d’iarratas a chur isteach le haghaidh comórtas atá ar oscailt, ar choinníoll nach bhfuil an sprioc-am iarratais istigh. Nuair a bheidh an sprioc-am istigh, ní féidir an fhoirm iarratais ná do roghanna teangacha a leasú a thuilleadh.

Má chuireann tú d’iarratas in eagar tar éis duit é a chur isteach, ná déan dearmad ‘Cuir isteach’ a chliceáil arís. Mura ndéanfaidh tú sin, beidh stádas ‘dréacht’ ag d’iarratas i gcónaí agus ní chuirfear san áireamh é.

Féach freisin: Conas is féidir liom teangacha na dtrialacha a roghnú?

I gcás phróisis roghnúcháin na mball foirne ar conradh:

Ní féidir leat féin do roghanna teanga a athrú.

Seachas sin, beidh ort iarraidh a chur faoi bhráid EPSO tríd an bhfoirm theagmhála.

Tabhair do d’aire go bhfuil na riachtanais teanga sainithe i rannán 3.2 den ghlao ar léiriú spéise.

Féach freisin: Conas is féidir liom teangacha na dtrialacha a roghnú?

Ní féidir. A luaithe a bheidh an sprioc-am istigh leis na doiciméid tacaíochta a luaitear san fhógra comórtais a chur isteach, ní fhéadfaidh iarrthóirí doiciméid a uaslódáil chuig a n-iarratas.

Ní ghlacann EPSO le doiciméid a sheoltar le ríomhphost ná tríd an bhfoirm theagmhála.

Mar sin féin, i gcomhréir leis an bhfógra comórtais, d’fhéadfaí a iarraidh ar iarrthóirí ag céim ar bith den phróiseas roghnúcháin eolas breise nó doiciméid tacaíochta a chur ar fáil. Más gá, féadfaidh an bord roghnúcháin teagmháil a dhéanamh le hiarrthóirí trína gcuntas ar Thairseach Aonair na nIarrthóirí chun doiciméid atá ar lár a iarraidh, doiciméid chéannachta san áireamh.

Comórtais oscailte do bhaill foirne bhuana:

Ní féidir. Ní mór iarratas ar leith a chur isteach le haghaidh gach comórtais.

Ní mór d’iarrthóirí an fhoirm iarratais a líonadh isteach agus a chur isteach le haghaidh gach comórtais ar mian leo iarratas a dhéanamh air, i gcomhréir leis na ceanglais atá leagtha amach san fhógra comórtais ábhartha.

Próisis roghnúcháin do bhaill foirne ar conradh:

Ní féidir. Ní mór iarratas ar leith a chur isteach le haghaidh gach próifíle agus/nó gach grúpa feidhme.

Ní mór d’iarrthóirí pas a fháil sna trialacha is gá don phróifíl shonrach nó don ghrúpa feidhme sonrach lena mbaineann.

Chun tuilleadh eolais a fháil faoi na próifílí agus na grúpaí feidhme atá ar fáil, féach an leathanach tiomnaithe le haghaidh próisis roghnúcháin do bhaill foirne ar conradh.

I gcás comórtais oscailte ina n-úsáidtear Tairseach Aonair na nIarrthóirí:

Is féidir leat an fhoirm iarratais a athrú tar éis duit í a chur isteach, ar choinníoll nach bhfuil an sprioc-am istigh le hiarratas a dhéanamh. Nuair a bheidh an sprioc-am istigh, ní féidir an fhoirm iarratais a leasú a thuilleadh.

Má chuireann tú d’iarratas in eagar tar éis duit é a chur isteach, ná déan dearmad ‘Cuir isteach’ a chliceáil arís. Mura ndéanfaidh tú sin, beidh stádas ‘dréacht’ ag d’iarratas i gcónaí agus ní chuirfear san áireamh é.

Tabhair faoi deara: Is féidir leat do CV a nuashonrú ar Thairseach Aonair na nIarrthóirí tráth ar bith. Mar sin féin, ní chuirfear san áireamh ach an leagan a cuireadh isteach le d’iarratas agus d’incháilitheacht á fíorú don chomórtas sonrach a ndearna tú iarratas air. Aon nuashonrú a dhéanfar air ina dhiaidh sin, ní dhéanfaidh sé difear don iarratas a chuir tú isteach.

I gcás phróisis roghnúcháin na mball foirne ar conradh:
Is féidir leat d’iarrata(i)s a athrú agus do CV a uaslódáil chuig do chuntas EPSO, nó é a thabhairt cothrom le dáta, tráth ar bith.

Ná déan dearmad d’iarrata(i)s a nuashonrú gach sé mhí ar a laghad más mian leat a bheith le feiceáil i gcónaí ag na seirbhísí earcaíochta. Beidh feidhm aige sin cibé acu atá pas faighte agat sna trialacha nó nach bhfuil.

Comórtais oscailte do bhaill foirne bhuana:

Féadfaidh iarrthóirí iarratas a dhéanamh ar níos mó ná comórtas oscailte amháin, ar choinníoll go gcomhlíonann siad na coinníollacha incháilitheachta atá leagtha amach san fhógra comórtais lena mbaineann.

Mar sin féin, ní féidir níos mó ná iarratas amháin a chur isteach ar an gcomórtas céanna, mura sonraítear a mhalairt go sainráite san fhógra comórtais.

Próisis roghnúcháin na mball foirne ar conradh:

Féadfaidh iarrthóirí iarratas a dhéanamh ar níos mó ná próifíl amháin nó níos mó ná grúpa feidhme amháin, ar choinníoll go gcomhlíonann siad na ceanglais incháilitheachta atá leagtha amach sa ghlao ar léiriú spéise lena mbaineann.

Mar sin féin, ní cheadaítear ach aon iarratas amháin in aghaidh na próifíle. Mar shampla, ní féidir le hiarrthóirí níos mó ná iarratas amháin a chruthú don phróifíl ‘aistritheoirí’, ina measc sin iarratais a bhfuil sprioctheangacha éagsúla ag gabháil leo. 

Is féidir leat do theangacha ar fad a lua faoi ‘Scileanna teanga’ san fhoirm iarratais má tá eolas agat ar níos mó ná dhá theanga oifigiúla. Fágfaidh sé sin go mbeidh na seirbhísí earcaíochta in ann teacht ar d’iarratas de réir a riachtanas teanga sonrach féin.

Is féidir le hiarrthóirí an fhoirm iarratais a líonadh isteach in aon cheann de 24 theanga oifigiúla an Aontais Eorpaigh.

Chun iarratas a dhéanamh ar chomórtais oscailte:

• Roghnaigh comórtas a oireann do do phróifíl.
• Léigh an Fógra Comórtais go grinn.
• Cliceáil ‘Déan iarratas’ ar leathanach gréasáin an chomórtais agus logáil isteach ar Thairseach Aonair na nIarrthóirí trí do chuntas EU Login a úsáid (nó cruthaigh ceann más gá).
• Líon isteach an fhoirm iarratais agus cuir isteach roimh an sprioc-am í. 
• Tá eolas mionsonraithe ar fáil sa rannán Iarratas ar an leathanach gréasáin Próisis roghnúcháin le haghaidh poist bhuana.

Chun iarratas a dhéanamh ar phróiseas roghnúcháin do bhaill foirne ar conradh:

• Féach leathanach na mball foirne ar conradh agus roghnaigh an phróifíl is fearr a oireann do do cháilíochtaí agus do do thaithí.
• Léigh na doiciméid thábhachtacha uile, go háirithe an Glao ar léiriú spéise.
• Roghnaigh próifíl agus cláraigh don ghrúpa feidhme atá ar fáil
• Iarrfar ort ansin logáil isteach i do chuntas EPSO. Mura bhfuil cuntas agat, cruthaigh ceann chun tosú.
• Líon isteach d’fhoirm iarratais agus cuir isteach í. Tríd an méid sin a dhéanamh, tá tú do chlárú i mbunachar sonraí EPSO le haghaidh baill foirne ar conradh.

Nuair a thagann riachtanais earcaíochta chun cinn, déanann seirbhísí earcaíochta institiúidí, chomhlachtaí agus ghníomhaireachtaí an Aontais bunachar sonraí EPSO le haghaidh baill foirne ar conradh a chuardach agus cuireann siad na hiarrthóirí is fearr a oireann do riachtanais an phoist ar ghearrliosta. 

Tugtar cuireadh do na hiarrthóirí atá ar an ngearrliosta trialacha scileanna réasúnaíochta a dhéanamh (trialacha réasúnaíochta briathartha, uimhriúla agus teibí) agus d’fhéadfadh sé go dtabharfadh an institiúid nó an comhlacht earcaíochta cuireadh chun agallaimh dóibh níos déanaí. Is trí do chuntas EPSO a chuirfear gach nuashonrú agus gach cuireadh in iúl duit.

Is féidir. Agus iarratas á dhéanamh ag na hiarrthóirí ar chomórtas EPSO, is féidir leo a roghnú cé acu is mian leo nó nach mian leo go gcomhroinnfí a sonraí teagmhála le húdaráis náisiúnta a mBallstáit den Aontas Eorpach.

Má thoilíonn na hiarrthóirí leis sin, féadfaidh EPSO a n-ainm, a seoladh ríomhphoist agus tagairt an chomórtais lena mbaineann a thabhairt amach ionas gur féidir leis na húdaráis náisiúnta teagmháil a dhéanamh leo chun tacaíocht a chur ar fáil a bhaineann leis an bpróiseas roghnúcháin agus leis an bpróiseas earcaíochta (mar shampla oiliúint, seisiúin eolais nó ábhair threoracha).

Tá an rogha sin roghnach agus níl feidhm aici ach amháin maidir leis an gcomórtas sonrach lena mbaineann. Ní mór d’iarrthóirí a rogha a chur in iúl gach uair a chuireann siad iarratas nua isteach.

Féadfaidh iarrthóirí a dtoiliú a tharraingt siar tráth ar bith ach teagmháil a dhéanamh leis na húdaráis náisiúnta ábhartha.

Déantar sonraí pearsanta a phróiseáil i gcomhréir leis na rialacha cosanta sonraí de chuid an Aontais is infheidhme.