Iarratas a dhéanamh ar an gcomórtas le haghaidh riarthóirí céimithe (AD 5)

Is féidir le céimithe ó gach réimse staidéir páirt a ghlacadh sa chomórtas

Tá an tAontas Eorpach ag lorg céimithe tréitheacha ó gach réimse staidéir chun teacht isteach ina sheirbhís shibhialta. Tá an Oifig Eorpach um Roghnú Foirne (EPSO) ag seoladh comórtas oscailte chun painéal a thiomsú as a mbeidh institiúidí, comhlachtaí agus gníomhaireachtaí an Aontais Eorpaigh in ann baill nua den tseirbhís shibhialta a earcú mar riarthóirí (grád AD 5).

Is é an cúram ginearálta atá ar riarthóirí cuidiú le cinnteoirí misean a n-institiúide nó a gcomhlachta a chomhlíonadh, agus chun cur le beartais agus le cláir a mbíonn tionchar acu ar na milliúin daoine ar fud na hEorpa. De ghnáth, oibríonn iarrthóirí a n-éiríonn leo i bhfoireann ilchultúrtha i gceann de na réimsí seo a leanas:

forbairt agus ceapadh beartas
cur chun feidhme beartas agus seachadadh oibriúcháin
bainistiú acmhainní

Tá eolas mionsonraithe faoi dhualgais shonracha an phoist le fáil san fhógra comórtais (féach Iarscríbhinn II – Príomhdhualgais).

An bhfuil an mianach ceart ionat?

Chun iarratas a dhéanamh ar an gcomórtas le haghaidh riarthóirí céimithe (AD 5), ní mór duit na riachtanais seo a leanas a chomhlíonadh:

A bheith i do náisiúnach den Aontas Eorpach agus cearta iomlána mar shaoránach den Aontas a bheith agat.
Eolas cuimsitheach a bheith agat ar cheann amháin de theangacha oifigiúla an Aontais agus eolas sásúil a bheith agat ar cheann eile de theangacha oifigiúla an Aontais.
Leibhéal oideachais a bheith agat is comhionann le cúrsa iomlán ollscoile a mhair trí bliana ar a laghad agus ar baineadh dioplóma amach dá bharr, rud a bronnadh ort tráth nach déanaí ná an 30 Meán Fómhair 2026.
Níl aon taithí oibre ag teastáil.

Trialacha

Cuimsíonn an próiseas roghnúcháin trialacha réasúnaíochta ar líne, chomh maith le trialacha eolais faoin Aontas Eorpach, scileanna digiteacha, agus aiste shaorthéacs ar chúrsaí an Aontais Eorpaigh.
Tá na sonraí iomlána ar fáil san fhógra comórtais.

Féadfaidh na hiarrthóirí aon dá cheann de 24 theanga oifigiúla an Aontais a roghnú le haghaidh na dtrialacha.

Nuair a chuirfear na hiarrthóirí a n-éireoidh leo ar phainéal, féadfaidh seirbhísí earcaíochta chomhlachtaí agus institiúidí an Aontais Eorpaigh ar spéis leo a bpróifíl dul i dteagmháil leo chun agallaimh earcaíochta spriocdhírithe a dhéanamh. Na hagallaimh sin agus aon phróiseas gaolmhar eile, tá siad lasmuigh den phróiseas roghnúcháin a dhéanann EPSO. Is iad na seirbhísí earcaíochta ábhartha a dhéanann na hagallaimh earcaíochta, i mBéarla agus/nó i bhFraincis de ghnáth. Féadfar teangacha eile a úsáid le linn na n-agallamh freisin, de réir riachtanais na seirbhísí earcaíochta agus an eolais a chuir na hiarrthóirí in iúl ina n-iarratas.

Éagsúlacht agus Cuimsiú

As an employer, the institutions and bodies of the EU offer a community of expertise with a wide range of opportunities to broaden your personal and professional development. The multicultural, international and diverse teams that make up the EU Civil Service work together to benefit the lives of approximately 450 million EU citizens and beyond.

The EU institutions and bodies that EPSO works for, are committed to diversity and inclusion. They seek diversity actively and promote inclusion among their staff. EPSO therefore encourages applications from qualified candidates from diverse backgrounds and on the broadest possible geographical basis among the EU Member States.
Learn more about Diversity & Inclusion in the EU institutions and bodies.

Tá eolas mionsonraithe faoin bpróiseas, faoi na critéir incháilitheachta agus faoin dóigh le hiarratas a dhéanamh le fáil san fhógra comórtais ar an leathanach iarratais thíos.

Is féidir iarratas a dhéanamh ón 5 Feabhra 2026 agus is é an 10 Márta 2026 ar 12:00 (meán lae), am na Bruiséile, an sprioc-am do na hiarratais.

Ní mór d’iarrthóirí cóip scanta dá gcárta aitheantais nó dá bpas bailí a uaslódáil faoin 10 Márta 2026 ar 12:00 (meán lae), am na Bruiséile, agus cóipeanna scanta de na doiciméid a thacaíonn leis na dearbhuithe a rinne siad ina bhfoirm iarratais a sholáthar faoin 7 Deireadh Fómhair 2026 ar 12:00 (meán lae), am na Bruiséile.

Tús a chur leis - Riarthóirí ag a bhfuil céim