Tá na treoracha ar fad maidir le hiarratas a chur isteach ar chomórtas oscailte ar Thairseach Aonair na nIarrthóirí le fáil ar an suíomh gréasáin ar Thairseach Aonair na nIarrthóirí – Treoracha

Beidh an nasc chun iarratas a dhéanamh le fáil ar shuíomh gréasáin EU Careers a luaithe a bheidh an tréimhse chlárúcháin ar oscailt.

Tabhair neart ama duit féin chun d’iarratas a chur i gcrích mar go dteastaíonn obair shuntasach ina leith. Is fútsa amháin atá sé an t-iarratas a bhailíochtú roimh an sprioc-am.

Sula ndéanfaidh tú d’iarratas a bhailíochtú, déan seiceáil ar ábhar an iarratais táb ar tháb mar nach mbeidh tú in ann an t-iarratas a athrú a thuilleadh nuair a bheidh an sprioc-am istigh.

Is féidir leat d’iarratas a chomhlánú in aon cheann de 24 theanga oifigiúla an Aontais Eorpaigh.

Luaigh aon chomhréiteach sonrach atá de dhíth ort le go mbeidh tú in ann na trialacha a dhéanamh agus lean na treoracha san fhógrán céim ar chéim maidir le socruithe réasúnta (oiriúnuithe) a iarraidh i dtrialacha roghnúcháin EPSO. Déan teagmháil linn láithreach má bhíonn cabhair uait le d’iarratas ar líne.

Tá na córais a úsáideann EPSO in oiriúint don chuid is mó de na brabhsálaithe idirlín is mó a úsáidtear. Má bhíonn deacrachtaí agat, molaimid duit triail a bhaint as brabhsálaí eile sula ndéana tú teagmháil linn. Ní mholtar gléasanna móibíleacha a úsáid chun an fhoirm iarratais a líonadh isteach.

A luaithe a bheidh d’iarratas sábháilte den chéad uair, gheobhaidh tú uimhir iarratais. Iarrtar ort an uimhir sin a lua i gcónaí i do chomhfhreagras le EPSO.

Ní mór d’iarrthóirí doiciméid a thacaíonn leis na dearbhuithe a rinne siad san fhoirm iarratais a uaslódáil faoin sprioc-am atá leagtha síos san fhógra comórtais.

Ceisteanna a chuirfear chuig Seirbhís Teagmhála EPSO d’Iarrthóirí le linn na laethanta deiridh den tréimhse iarratais, d’fhéadfadh sé nach bhfreagrófar iad roimh an sprioc-am le hiarratais a dhéanamh.