Is éard atá sna trialacha réasúnaíochta ceistneoirí ilrogha atá ceaptha meastóireacht a dhéanamh ar do scileanna smaointeoireachta loighciúla agus ar do chumas eolas briathartha agus uimhriúil a thuiscint, chomh maith leis an ngaol idir coincheapa teibí nach de chineál teanga, spásúil ná uimhriúil iad.

Bain triail as ár dtrialacha samplacha thíos (Tabhair do d’aire go bhféadfadh na trialacha samplacha níos mó ama a thógáil chun lódáil ná mar is gnách)

Réasúnaíocht bhriathartha – Iad ar fáil sna teangacha seo a leanas: BG ES CS DA DE ET EL EN FR GA HR IT LV LT HU MT NL PL PT RO SK SL FI SV

Réasúnaíocht uimhriúil – Iad ar fáil sna teangacha seo a leanas: BG ES CS DA DE ET EL EN FR GA HR IT LV LT HU MT NL PL PT RO SK SL FI SV

Réasúnaíocht theibí – Iad ar fáil sna teangacha seo a leanas: EN

Is féidir leagan inrochtana de na trialacha samplacha sin a fháil freisin.

Is éard atá sa triail eolais faoin Aontas Eorpach ceistneoir ilrogha faoin Aontas Eorpach, a institiúidí, a nósanna imeachta agus a phríomhbheartais. Cuirfear na tagairtí do na foinsí a úsáidtear chun an triail seo a fhorbairt ar fáil ar shuíomh gréasáin EPSO tar éis an fógra comórtais a fhoilsiú.

Idir an dá linn, is féidir leat teacht ar roinnt foilseachán anseo chun cuidiú leat ullmhú don triail eolais faoin Aontas Eorpach.

Is féidir triail a bhaint as trialacha samplacha anseo.

Tá an triail scileanna digiteacha deartha chun measúnú a dhéanamh ar litearthacht dhigiteach agus ar eolas praiticiúil na n-iarrthóirí, de réir mar is ábhartha don ról.

D’fhéadfadh na 5 réimse seo a leanas a bheith san áireamh sa triail seo:

1. Litearthacht faisnéise agus sonraí
2. Cumarsáid agus comhar
3. Cruthú ábhair dhigitigh
4. Sábháilteacht
5. Réiteach fadhbanna

Is féidir triail a bhaint as trialacha samplacha anseo.

Tá EUFTE dírithe ar mheasúnú a dhéanamh ar do scileanna cumarsáide scríofa.

Ní mór d’iarrthóirí an tasc/na tascanna a dhéanamh trí úsáid a bhaint as na hábhair a chuireann EPSO ar fáil, mar atá sonraithe san fhógra comórtais.

Ní triail teanga atá in EUFTE. Déanfar measúnú ar iarrthóirí bunaithe ar na ‘hancairí’ sonracha atá liostaithe thíos. (Tagraíonn ‘ancairí’ do na gnéithe a bhreithníonn marcóirí trialacha, i.e. na measúnóirí, agus meastóireacht á déanamh acu ar inniúlacht ar leith.)

• Déanann an t-iarrthóir an chumarsáid scríofa a struchtúrú le sreabhadh loighciúil smaointe.
• Scríobhann an t-iarrthóir go hachomair agus seachnaíonn sé focail agus abairtí nach bhfuil gá leo.
• Cuireann an t-iarrthóir ábhar i láthair ar bhealach soiléir intuigthe.
• Déanann an t-iarrthóir a chuid scríbhneoireachta a oiriúnú dóibh siúd ar a bhfuil sé ag díriú agus don chuspóir atá beartaithe.
• Úsáideann an t-iarrthóir an t-eolas a chuirtear ar fáil chun déileáil leis an tasc go héifeachtach.