It-testijiet tar-raġunament huma kwestjonarji b’għażla multipla mfassla biex jevalwaw il-ħiliet tal-ħsieb loġiku tiegħek u l-kapaċità tiegħek li tifhem informazzjoni verbali u numerika, kif ukoll ir-relazzjonijiet bejn kunċetti astratti li ma humiex ta’ natura lingwistika, spazjali jew numerika.

Hawnhekk hawn kampjuni ta’ testijiet fl-24 lingwa kollha tal-UE biex tiffamiljarizza ruħek mal-pjattaforma tal-ittestjar tal-OAT:

BG ES CS DA DE ET EL EN FR GA HR IT LV LT HU MT NL PL PT RO SK SL FI SV

Tista’ tikkonsulta wkoll verżjoni aċċessibbli ta’ dawn il-kampjuni tat-testijiet.

It-test tal-għarfien dwar l-UE jikkonsisti fi kwestjonarju b’għażla multipla li jkopri l-Unjoni Ewropea, l-istituzzjonijiet, il-proċeduri u l-politiki ewlenin tagħha. Ir-referenzi għas-sorsi użati biex jiġi żviluppat dan it-test se jkunu disponibbli fuq is-sit web tal-EPSO wara li jiġi ppubblikat l-avviż tal-kompetizzjoni.

Safrattant, hawnhekk tista’ ssib għażla ta’ pubblikazzjonijiet biex jgħinuk tipprepara għat-test tal-Għarfien dwar l-UE.

Ipprova t-testijiet kampjun tagħna hawnhekk.

It-test tal-ħiliet diġitali hu mfassal biex jivvaluta l-litteriżmu diġitali u l-għarfien prattiku tal-kandidati, kif rilevanti għar-rwol.

Dan it-test jista’ jkopri l-ħames oqsma li ġejjin:

1. L-informazzjoni u l-litteriżmu tad-data
2. Il-komunikazzjoni u l-kollaborazzjoni
3. Il-ħolqien ta’ kontenut diġitali
4. Is-sikurezza
5. Is-soluzzjoni tal-problemi

Ipprova t-testijiet kampjun tagħna hawnhekk.

L-EUFTE għandu l-għan li jivvaluta l-ħiliet ta’ komunikazzjoni bil-miktub tiegħek.

Il-kandidati jridu jlestu l-kompitu/i tagħhom billi jużaw il-materjal ipprovdut mill-EPSO, kif speċifikat fl-avviż ta’ kompetizzjoni.

L-EUFTE mhuwiex test tal-lingwa u lanqas test tal-għarfien fattwali. Il-kandidati se jiġu evalwati abbażi tal-“ankri” speċifiċi elenkati hawn taħt. (Ankri tirreferi għall-elementi kkunsidrati meta tkun qed tiġi evalwata kompetenza partikolari.)

• L-għoti ta’ struttura lill-komunikazzjoni bil-miktub bi fluss ta’ ideat loġiku.
• Il-kitba b’mod konċiż, filwaqt li jiġu evitati kliem u sentenzi mhux meħtieġa.
• Il-preżentazzjoni tas-suġġett b’mod ċar u li jinftiehem.
• L-adattament u t-tfassil tal-kitba għall-udjenza u l-iskop maħsuba.
• L-użu tal-informazzjoni pprovduta b’mod effettiv għall-indirizzar tal-kompitu.

Hawnhekk tista’ ssib test kampjun biex tiffamiljarizza ruħek mal-pjattaforma tal-ittestjar.

Jekk jogħġbok innota li t-test jibda biss hekk kif jispiċċa l-kronometru li jidher fin-naħa ta’ fuq tat-tieqa.

• Test bil-miktub - EN
• Test bil-miktub - FR