It-testijiet tal-EPSO huma żviluppati u mmonitorjati bir-reqqa mit-tim ta’ psikoloġisti okkupazzjonali mill-uffiċċju stess flimkien ma’ Membri tal-Bord ta’ Selezzjoni magħżulin b'attenzjoni mill-Istituzzjonijiet kollha tal-UE. L-EPSO jimmonitorja b’mod konsistenti l-aħħar innovazzjonijiet fl-iżvilupp tat-testijiet abbażi tar-riċerka xjentifika u f’dawn l-aħħar snin introduċa ttestjar online fil-proċeduri ta’ selezzjoni tiegħu.

It-testijiet kollha tal-EPSO, u kif jingħatawlhom il-marki, huma analizzati bir-reqqa biex ikun żgurat li huma ġusti u m’għandhomx impatt avvers fuq gruppi partikolari ta’ kandidati. L-EPSO qiegħed fil-proċess li jsir konformi mal-Istandard ISO ġdid fjamant għall-Proċeduri ta’ Evalwazzjoni u hu diġà konformi mal-Konvenzjoni tan-NU dwar id-drittijiet tal-persuni b'diżabbilità.

Aspett ewlieni tat-trattament ġust hu l-bilanċ bejn is-sessi u l-EPSO jaħdem biex jattira u jagħżel ġabra bilanċjata ta’ applikanti rġiel u nisa. Fil-prattika, l-irġiel u n-nisa japplikaw f’numri sproporzjonati għal xi profili. B’mod ġenerali, madankollu, l-applikazzjonijiet huma bbilanċjati, u l-aktar kompetizzjoni riċenti tal-Ġeneralisti fil-grad AD ipproduċiet 50% kandidati rġiel u 50% kandidati nisa li għaddew mill-kompetizzjoni.

L-objettiv ewlieni tat-testijiet ta’ raġunament tal-EPSO hu li jitkejlu l-kapaċitajiet ta’ raġunament ewlenin għall-uffiċjali futuri kollha tal-UE, u mhux li jitnaqqsu n-numri tal-kandidati. Dawn it-testijiet, li huma bbażati fuq studji xjentifiċi stabbiliti sew, għandhom l-aktar valur ta’ previżjoni għoli għall-prestazzjoni futura fl-impjieg (meta mqabbla ma’ testijiet ibbażati purament fuq l-għarfien). Minkejja l-fatt li l-kandidati fl-istess kompetizzjoni ma jirċevux l-istess mistoqsijiet, il-livell ta’ diffikultà tat-testijiet individwali mogħtija lil kull kandidat hu identiku, u dan jiżgura trattament indaqs. Il-validità u l-affidabilità tat-testijiet ibbażati fuq il-kompjuter b’għażla multipla ġiet ikkonfermata mill-każistika tal-Qorti tal-Ġustizzja Ewropea, u l-Qorti kkonfermat ukoll li dawn it-testijiet huma konformi mal-prinċipju tat-trattament ġust u indaqs. Fl-istess ħin, it-testijiet ibbażati fuq il-kompjuter jippermettu lill-EPSO jittestja n-numri kbar ta’ kandidati fi żmien qasir ħafna b’mod effiċjenti u faċli għall-utent.

Il-Qafas ta’ Kompetenza jiddefinixxi l-kompetenzi li huma kkunsidrati essenzjali għal prestazzjoni effettiva fi kwalunkwe impjieg partikolari, mill-istituzzjonijiet u l-korpi tal-UE li jservi l-EPSO. Uħud minn dawk il-kompetenzi jiġu vvalutati mill-EPSO matul il-fażi tas-selezzjoni, oħrajn jiġu vvalutati mill-istituzzjonijiet u l-korpi tal-UE nfushom matul il-fażi tar-reklutaġġ. Jekk jogħġbok żomm f’moħħok li għall-profili aktar speċjalizzati, l-Istituzzjonijiet tal-UE qed ifittxu kandidati li huma kkwalifikati ħafna fil-qasam tal-għarfien espert tagħhom. L-informazzjoni dwar il-kompetenzi relatati mal-qasam, kif ukoll dwar it-testijiet li jevalwaw kemm il-kompetenzi ġenerali kif ukoll dawk relatati mal-qasam, dejjem tista’ tinstab fl-Avviż tal-Kompetizzjoni, l-uniku dokument uffiċjali li fih informazzjoni dettaljata dwar it-testijiet attwali użati mill-EPSO għal kompetizzjoni partikolari. L-avviżi kollha huma ppubblikati f’Il-Ġurnal Uffiċjali tal-Unjoni Ewropea.

Jekk jogħġbok ikkonsulta l-kompetenzi ġenerali u l-ankri rispettivi tagħhom (“ankri” huma l-elementi meqjusa minn dawk li jikkoreġu t-test (jiġifieri l-assessuri) meta jivvalutaw kompetenza partikolari).

Il-kandidati fil-kompetizzjonijiet tal-EPSO jistgħu jagħżlu li d-dettalji ta’ kuntatt tagħhom jiġu żvelati lill-awtoritajiet nazzjonali tal-Istat Membru tagħhom, biex dawn l-awtoritajiet ikunu jistgħu jikkuntattjawhom b’offerti ta’ appoġġ u assistenza għall-proċess ta’ selezzjoni u ta’ reklutaġġ (bħal taħriġ, sessjonijiet ta’ informazzjoni, pubblikazzjonijiet, eċċ.).

Il-kandidati jagħmlu din l-għażla meta japplikaw għal kompetizzjoni, billi jindikaw il-qbil jew in-nuqqas ta’ qbil tagħhom fit-taqsima rilevanti tal-formola tal-applikazzjoni elettronika tagħhom. Dan il-qbil jew in-nuqqas ta’ qbil huwa validu biss għall-kompetizzjoni li jkun ġie mmarkat għaliha, u għalhekk jeħtieġ li jiġi indikat kull darba li tiġi introdotta applikazzjoni ġdida.

Meta twieġeb “Iva” għall-mistoqsija rilevanti fil-formola tal-applikazzjoni tiegħek, inti tagħti l-kunsens bla ekwivoku tiegħek lill-EPSO biex jittrażmetti ismek u kunjomok, l-indirizz tal-email, u r-referenza tal-kompetizzjoni li qed tapplika għaliha, lill-awtoritajiet nazzjonali tal-Istat Membru tal-UE li int ċittadin tiegħu. L-għan ta’ din it-trażmissjoni tad-data huwa li tippermetti lill-awtoritajiet nazzjonali tiegħek jikkuntattjawk bil-għan li joffru assistenza fil-proċess ta’ selezzjoni u reklutaġġ fil-kuntest tal-kompetizzjoni li qed tapplika għaliha.

It-trażmissjoni tad-data personali tiegħek hi regolata mir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE, b’mod partikolari l-Artikoli 7 u 9.

Meta twieġeb “Iva” għall-mistoqsija rilevanti fil-formola tal-applikazzjoni tiegħek, inti tagħti kunsens ċar ukoll li l-awtoritajiet nazzjonali tal-Istat Membru tal-UE li int ċittadin tiegħu jipproċessaw id-data personali msemmija hawn fuq, bil-għan li joffrulek l-assistenza fil-proċess ta’ selezzjoni u reklutaġġ fil-kuntest tal-kompetizzjoni li qed tapplika għaliha.  L-awtoritajiet nazzjonali tiegħek huma awtorizzati jipproċessaw id-data tiegħek sakemm int parteċipant fil-kompetizzjoni kkonċernata, jew sakemm tagħlaq il-lista ta’ riżerva tal-kompetizzjoni jekk ismek ikun inkluż fiha, jew sakemm tirtira l-kunsens tiegħek għall-ipproċessar tad-data tiegħek.

L-ipproċessar tad-data personali tiegħek hu regolat mir-Regolament (UE) 2016/679 tal-Parlament Ewropew u tal-Kunsill tas-27 ta' April 2016 dwar il-protezzjoni tal-persuni fiżiċi fir-rigward tal-ipproċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (ir-Regolament Ġenerali dwar il-Protezzjoni tad-Data).

Tista’ tirtira l-kunsens tiegħek fi kwalunkwe ħin, billi tagħmel talba bil-miktub għal dan lill-Istat Membru tiegħek. Madankollu, jekk jogħġbok innota li jekk tiddeċiedi li tirtira l-kunsens tiegħek wara li d-data tiegħek tkun diġà ntbagħtet mill-EPSO lill-Istat Membru tiegħek, dan jipprevjeni biss lill-awtoritajiet nazzjonali tiegħek milli jipproċessaw aktar id-data tiegħek, iżda ma jaffettwax il-legalità tal-ipproċessar tad-data tal-passat abbażi tal-kunsens tiegħek li seħħ qabel l-irtirar tiegħu.

Il-kunsens tiegħek għall-EPSO biex jittrażmetti d-data personali tiegħek lill-awtoritajiet nazzjonali tiegħek ma jimplika l-ebda obbligu għalik biex taċċetta kwalunkwe offerta ta’ assistenza li jista’ jiġi offrut minn dawk l-awtoritajiet.

Il-kunsens tiegħek għall-EPSO biex jittrasmetti d-data personali tiegħek lill-awtoritajiet nazzjonali tiegħek ma jimplika l-ebda obbligu għal dawk l-awtoritajiet li jikkuntattjawk, jew li joffru assistenza; dan huwa kompletament fid-diskrezzjoni tal-Istat Membru tal-UE li int ċittadin tiegħu.

Jekk irċevejt konferma tar-riċevuta wara li tkun bgħatt l-ilment inizjali tiegħek, ma għandekx tibgħat tfakkira sakemm ma jkunx għadda tul ta’ żmien sinifikanti minn mindu ktibt.

It-tweġibiet għal reviżjoni jistgħu jieħdu diversi ġimgħat biex jitħejjew. Il-Bord ta’ Selezzjoni għandu jiltaqa’ biex jiddeċiedi, u hu biss wara li jsir dan li t-tweġibiet ikunu ppreparati u mibgħutin.

Jekk il-Bord ta’ Selezzjoni jaċċettak mill-ġdid wara li jkun sar ir-rieżami, inti tidħol mill-ġdid fil-proċess fl-istadju fejn tkun ġejt eskluż, irrispettivament minn fejn tkun waslet sadattant il-kompetizzjoni. 

Yes, it is mandatory to mention all diplomas/qualifications required in order to apply for a selection procedure. 
The minimum requirements are listed in the Notice of Competition (available on the competition page). 

Please indicate only diplomas/qualifications that have been awarded by the application deadline. 
For the Graduates administrators (AD5) competition, the minimum requirements (only Bachelor) must be awarded by 30/09/2026.

The order is not important, the Selection Board will be able to sort the declared entries chronologically. 

Providing incomplete or false information may lead to exclusion from the selection procedure.

Il-kandidati kollha għall-proċeduri ta’ selezzjoni tal-EPSO għandhom ikunu ċittadini ta’ mill-anqas Stat Membru wieħed tal-UE.

Jekk int ċittadin tar-Renju Unit u għandek ċittadinanza doppja ta’ Stat Membru tal-UE xorta tista’ tapplika.

Jekk għandek biss ċittadinanza tar-Renju Unit, ma tistax tivvalida l-applikazzjoni tiegħek wara l-Brexit.

Jekk fil-futur tikseb iċ-ċittadinanza ta’ Stat Membru tal-UE, tista’ żżid din iċ-ċittadinanza ġdida mad-dettalji personali tiegħek fil-kont tal-EPSO tiegħek, dan jippermettilek tapplika għall-proċeduri ta’ selezzjoni tagħna mill-ġdid.

Tista’ ssib aktar informazzjoni dwar xi tfisser li tkun ċittadin tal-UE hawnhekk: Iċ-ċittadinanza tal-UE: Drittijiet u opportunitajiet (europa.eu)