I do cháil mar riarthóir TFC (AD 7), d’fhéadfadh an méid seo a leanas a bheith ar na cúraimí a bheidh ort:

Bonneagar TFC

• Bonneagar TFC fiontair a dhearadh, a oibriú agus a bhainistiú (mar atá córais, bunachair sonraí, stóráil, feidhmchláir, seirbhísí san ionad oibre digiteach)
• Líonraí, seirbhísí céannachta agus rochtana, agus cibearshlándáil a bhainistiú
• Oibríochtaí TFC agus bainistíocht seirbhíse a sholáthar
• Rannchuidiú le hailtireacht bhonneagair, uathoibriú, teicneolaíochtaí atá ag teacht chun cinn (ina measc sin an ríomhaireacht ardfheidhmíochta agus teicneolaíochtaí candamacha), chomh maith le maoirseacht foirne

Bainistiú tionscadal TFC

• Tionscadail, cláir agus punanna TFC a bhainistiú ar feadh na saolré iomláine
• Réitigh a shainiú trí anailís ghnó agus theicniúil, pleanáil agus comhordú acmhainní
• Monatóireacht a dhéanamh ar fheidhmíocht, cáilíocht agus comhlíonadh an tsoláthair
• Páirtithe leasmhara, foirne, gníomhaíochtaí tástála agus conarthaí a chomhordú

Néalríomhaireacht agus líonraí

• Bonneagair néalríomhaireachta agus líonra a dhearadh agus a oibriú
• Seirbhísí céannachta, slándála agus cosanta líonraí a bhainistiú
• Feidhmíocht seirbhíse, infhaighteacht, athléimneacht agus bainistiú teagmhas oibríochtúil a chinntiú
• Rannchuidiú le hailtireacht, caighdeáin, rialachas seirbhíse agus bainistiú soláthraithe

Eolaíocht sonraí

• Ailtireachtaí sonraí, píblínte agus córais mhórscála próiseála sonraí a dhearadh
• Samhaltú staitistiúil, meaisínfhoghlaim agus ardteicnící anailísíochta a chur i bhfeidhm
• Réitigh comhtháthaithe sonraí, APInna, uirlisí léirshamhlaithe agus léargais uathoibrithe a fhorbairt
• Oibríochtaí meaisínfhoghlama (MLOps), rialachas sonraí agus réitigh ríomhaireachta ardfheidhmíochta a chur i bhfeidhm

Tá eolas mionsonraithe le fáil san fhógra comórtais, rud atá le fáil ar an leathanach iarratais ach cliceáil ar an gcnaipe ‘Tús a chur leis’ thíos.

Chun iarratas a dhéanamh ar an gcomórtas TFC (AD 7), ní mór duit na riachtanais seo a leanas a chomhlíonadh:

• A bheith i do náisiúnach den Aontas Eorpach agus cearta iomlána mar shaoránach den Aontas a bheith agat.
   
• Eolas cuimsitheach a bheith agat ar cheann amháin de theangacha oifigiúla an Aontais (leibhéal C1) agus eolas sásúil a bheith agat ar cheann eile de theangacha oifigiúla an Aontais (leibhéal B2).
   
• Ní mór duit cúrsa ollscoile a bheith críochnaithe agat agus taithí oibre ábhartha a bheith agat araon chomh maith, mar seo a leanas:
   

  • Céim 3 bliana i réimse a bhaineann leis an réimse TFC a roghnaíodh agus taithí oibre ábhartha 7 mbliana ar a laghad a fuarthas ina dhiaidh sin;

    sin nó

  • Céim 4 bliana i réimse a bhaineann leis an réimse TFC a roghnaíodh agus taithí oibre ábhartha 6 bliana ar a laghad a fuarthas ina dhiaidh sin;

    sin nó

  • Céim 5 bliana i réimse a bhaineann leis an réimse TFC a roghnaíodh agus taithí oibre ábhartha 5 bliana ar a laghad a fuarthas ina dhiaidh sin;

    sin nó

  • Céim 3 bliana i réimse eile, agus taithí oibre ábhartha 9 mbliana ar a laghad a fuarthas ina dhiaidh sin (8 mbliana i gcás na heolaíochta sonraí).

Tá na riachtanais bheachta éagsúil ó réimse go chéile. Ní mór d’iarrthóirí an fógra comórtais a cheadú chun na sonraí uile a fháil.

Sa phróiseas roghnúcháin don chomórtas TFC (AD 7) tá trialacha réasúnaíochta ar líne, triail réimse-shonrach agus aiste shaorthéacs ar chúrsaí an Aontais Eorpaigh le déanamh. 
Féadfaidh sé go mbeidh na trialacha le déanamh ar an lá céanna nó ar laethanta éagsúla. Cuirfear dátaí beachta gach trialach in iúl do gach iarratasóir tar éis an sprioc-ama le hiarratas a dhéanamh. 
Féadfaidh na hiarrthóirí aon dá cheann de 24 theanga oifigiúla an Aontais a roghnú le haghaidh na dtrialacha.
Tá tuilleadh sonraí le fáil san fhógra comórtais.

Foilseofar an t-eolas ar fad maidir le dátaí na dtrialacha, na hábhair agus na torthaí ar leathanach an chomórtais, agus cuirfear an méid sin in iúl d’iarrthóirí trí Thairseach na nIarrthóirí, a luaithe a dheimhneofar é.

Cuirfear ar phainéal na hiarrthóirí a n-éireoidh leo sa phróiseas roghnúcháin. 

Nuair a chuirfear na hiarrthóirí a n-éireoidh leo ar phainéal, féadfaidh seirbhísí earcaíochta chomhlachtaí agus institiúidí an Aontais ar spéis leo a bpróifíl dul i dteagmháil leo chun agallaimh earcaíochta spriocdhírithe a dhéanamh. Na hagallaimh sin agus aon phróiseas gaolmhar eile, tá siad lasmuigh den phróiseas roghnúcháin a dhéanann EPSO. Is iad na seirbhísí earcaíochta ábhartha a dhéanann na hagallaimh earcaíochta, i mBéarla agus/nó i bhFraincis de ghnáth. Féadfar teangacha eile a úsáid le linn na n-agallamh freisin, de réir riachtanais na seirbhísí earcaíochta agus an eolais a chuir na hiarrthóirí in iúl ina n-iarratas.

As an employer, the institutions and bodies of the EU offer a community of expertise with a wide range of opportunities to broaden your personal and professional development. The multicultural, international and diverse teams that make up the EU Civil Service work together to benefit the lives of approximately 450 million EU citizens and beyond.

The EU institutions and bodies that EPSO works for, are committed to diversity and inclusion. They seek diversity actively and promote inclusion among their staff. EPSO therefore encourages applications from qualified candidates from diverse backgrounds and on the broadest possible geographical basis among the EU Member States. 
Learn more about Diversity & Inclusion in the EU institutions and bodies.