Deiseanna Oiliúna

Agus tú ag obair le hinstitiúidí an Aontais Eorpaigh tá deis ar fáil duit fás gairmiúil agus pearsanta a dhéanamh ar feadh an tsaoil.

Trí scileanna nua a fhorbairt, is féidir le baill foirne an misneach a chothú, dul chun cinn a dhéanamh ina bpost agus barr a gcumais a bhaint amach maidir lena slí bheatha.

Tá cúrsaí oiliúna ar fáil i réimse leathan ábhar, mar shampla taidhleoireacht an Aontais, an cuimsiú agus an éagsúlacht, bearta an Aontais, caidreamh idirinstitiúideach, réitigh le haghaidh na háite oibre agus réitigh shóisialta, TF agus an fhorbairt dhigiteach, gan ach cuid acu a lua.

Is í an Scoil Riaracháin Eorpach (EUSA), rud a cruthaíodh chun cúrsaí idirinstitiúideacha ar ardchaighdeán a chur ar fáil do bhaill foirne an Aontais, atá freagrach as cuid de na cúrsaí oiliúna.

Ní mór dhá cheann de theangacha an Aontais ar a laghad a bheith ar a dtoil ag oifigigh an Aontais, agus ní mór dóibh scileanna sa tríú teanga a chruthú sula dtugtar an chéad ardú céime dóibh.

Úsáideann baill foirne an Aontais roinnt teangacha ina gcuid oibre ó lá go lá. Cuid thábhachtach de ghairmréim na mball foirne is ea an fhorbairt leanúnach teanga, agus is é sin an fáth a gcuireann an tAontas réimse cúrsaí teanga ar fáil.