Tá an triail scríofa dírithe ar mheasúnú a dhéanamh ar scileanna cumarsáide scríofa na n-iarrthóirí.
Tá trí chineál éagsúla trialacha scríofa ann a úsáidfidh EPSO, de réir na riachtanas a chuirfidh na seirbhísí earcaíochta in iúl i dtaca le gach comórtas:
- Triail scríofa a bhaineann le réimse/réimsí an chomórtais, lena ndéantar measúnú ar scileanna cumarsáide scríofa agus na scileanna sin amháin.
- Triail scríofa réimse-shonrach lena ndéantar measúnú ar scileanna cumarsáide scríofa agus ar eolas an iarrthóra i réimse ábhartha an chomórtais.
- Aiste shaorthéacs ar chúrsaí an Aontais Eorpaigh lena ndéantar measúnú ar scileanna cumarsáide scríofa agus na scileanna sin amháin.
Beidh ar na hiarrthóirí freagra a thabhairt ar thasc nó ar thascanna na trialach bunaithe ar na doiciméid a chuireann EPSO ar fáil agus a bhaineann le réimse/réimsí an chomórtais, mar a shonraítear san fhógra comórtais.
Déanfar measúnú ar iarrthóirí bunaithe ar na ‘hancairí’ sonracha atá liostaithe thíos. (Tagraíonn ‘ancairí’ do na heilimintí a bhreithníonn marcóirí trialacha (i.e. measúnóirí) agus meastóireacht á déanamh acu ar inniúlacht ar leith.)
Déanann sé an chumarsáid scríofa a struchtúrú le sreabhadh loighciúil smaointe.
Scríobhann sé go hachomair agus seachnaíonn sé focail agus abairtí nach bhfuil gá leo.
Cuireann sé an t-ábhar i láthair ar bhealach soiléir intuigthe.
Déanann sé a chuid scríbhneoireachta a oiriúnú dóibh siúd ar a bhfuil sé ag díriú agus don chuspóir atá beartaithe.
Úsáideann sé an t-eolas a chuirtear ar fáil chun déileáil leis an tasc go héifeachtach.
