Testijiet ta’ raġunament:

It-testijiet ta’ raġunament huma testijiet b’għażla multipla biex tiġi vvalutata l-kapaċità tiegħek li taħseb b’mod loġiku u tifhem informazzjoni verbali u numerika, kif ukoll ir-relazzjonijiet bejn kunċetti li ma jinvolvu l-ebda element lingwistiku, spazjali jew numeriku (astratt). 

Ipprova l-kampjuni tagħna hawn taħt: (Jekk jogħġbok innota li l-kampjun ta’ testijiet jistgħu jieħdu aktar żmien mis-soltu biex jiġu applowdjati.)

• Raġunament verbali:

               BG ES CS DA DE ET EL EN FR GA HR IT LV LT HU MT NL PL PT RO SK SL FI SV 

• Raġunament numeriku:

              BG ES CS DA DE ET EL EN FR GA HR IT LV LT HU MT NL PL PT RO SK SL FI SV

• Raġumanent astratt:

              EN FR DE 

  Tista’ tikkonsulta wkoll verżjoni aċċessibbli ta’ dawn il-kampjuni tat-testijiet.
 

Il-kwestjonarju b’għażla multipla relatat mal-qasam (FRMCQ) jinkludi sensiela ta’ mistoqsijiet, li huma mfasslin biex jittestjaw il-ħiliet u l-għarfien relatati mal-qasam tal-kompetizzjoni. Il-mistoqsijiet huma bbażati fuq id-dmirijiet meħtieġa għall-profil speċifiku. Kull mistoqsija hi marbuta ma’ erba’ għażliet differenti ta’ tweġibiet, li waħda minnhom biss hi korretta.

Fis-sejħa għall-kompetizzjoni u fl-ittra ta’ stedina hemm indikata aktar informazzjoni.

Dan it-test jivvaluta l-ħiliet tal-komunikazzjoni bil-miktub tal-kandidati.

L-EPSO jista’ juża wieħed jew aktar mill-formati li ġejjin, skont il-ħtiġijiet espressi mis-servizzi ta’ reklutaġġ għal kull kompetizzjoni:

1. Test bil-Miktub (WT) – relatat mal-qasam/oqsma tal-kompetizzjoni; jivvaluta l-ħiliet ta’ komunikazzjoni bil-miktub biss.
2. Test bil-miktub relatat mal-qasam (FRWT) – jivvaluta kemm il-ħiliet tal-komunikazzjoni bil-miktub kif ukoll l-għarfien fil-qasam rilevanti tal-kompetizzjoni.
3. Essay b’test liberu dwar kwistjonijiet tal-UE (EUFTE), li jivvaluta biss il-ħiliet tal-komunikazzjoni bil-miktub.

Il-kandidati jridu jlestu l-inkarigu/i tagħhom billi jużaw il-materjal ipprovdut mill-EPSO, kif speċifikat fl-avviż ta’ kompetizzjoni. Il-valutazzjoni se tkun ibbażata fuq l-“ankri” speċifiċi elenkati hawn taħt. (Ankri tirreferi għall-elementi kkunsidrati minn dawk li jikkoreġu t-test — jiġifieri, l-assessuri — meta tiġi evalwata kompetenza partikolari.)

Jagħti l-komunikazzjoni bil-miktub struttura bi fluss ta’ ideat loġiku.

• Jikteb b’mod konċiż, filwaqt li jevita kliem u sentenzi mhux meħtieġa.
• Jippreżenta s-suġġett b’mod ċar u li jinftiehem.
• Jadatta u jfassal il-kitba għall-udjenza u l-iskop maħsuba.
• Juża l-informazzjoni pprovduta b’mod effettiv biex jittratta l-kompitu.