Chun iarratas a dhéanamh, ní mór duit na ceanglais seo a leanas a chomhlíonadh:

• A bheith i do náisiúnach den Aontas Eorpach agus cearta iomlána mar shaoránach den Aontas a bheith agat.
   
• Sáreolas a bheith agat ar theanga an chomórtais agus eolas cuimsitheach a bheith agat ar dhá cheann eile de theangacha oifigiúla an Aontais, mar a léirítear sa tábla thíos. Ar mhaithe le tagairt dóibh a éascú, tabharfar ‘teanga 1’, ‘teanga 2’ agus ‘teanga 3’ ar na teangacha riachtanacha.
   

• Ar a bharr sin, ní mór cúrsa ollscoile sa dlí a bheith críochnaithe agat. Tá feidhm ag coinníollacha sonracha maidir le gach comórtas. Tá tuilleadh eolas mionsonraithe ar na cáilíochtaí oideachais riachtanacha le fáil san fhógra comórtais.
   
• I bprionsabal, níl aon taithí ghairmiúil de dhíth. Mar sin féin, i gcásanna ina mbeidh leibhéal oideachais is gá ag iarrthóir is comhionann le cúrsa iomlán ollscoile 3 bliana, agus é sin amháin, ba cheart taithí oibre ábhartha 1 bhliana amháin ar a laghad a bheith bainte amach aige ina dhiaidh sin.

Don duine atá fostaithe acu, cuireann institiúidí agus comhlachtaí an Aontais Eorpaigh pobal saineolais ar fáil maille le cuid mhór deiseanna ar a fhorbairt phearsanta agus a fhorbairt ghairmiúil a leathnú. Na foirne ilchultúrtha idirnáisiúnta ilchineálacha a bhíonn ag obair i státseirbhís an Aontais Eorpaigh, bíonn siad ag obair ar son tuairim agus 450 milliún saoránach den Aontas agus tuilleadh nach iad.

Tá institiúidí agus comhlachtaí an Aontais a n-oibríonn EPSO dóibh tiomanta don éagsúlacht agus don chuimsiú. Féachann siad leis an éagsúlacht a bhaint amach go gníomhach agus cuireann siad an cuimsiú chun cinn i measc a mball foirne. Dá bhrí sin, is mór ag EPSO iarratais ó iarrthóirí cáilithe ó chúlraí éagsúla agus ón mbonn geografach is leithne is féidir i measc Bhallstáit an Aontais Eorpaigh. Tá tuilleadh eolais faoin Éagsúlacht agus Cuimsiú in institiúidí agus comhlachtaí an Aontais le fáil ar an leathanach gréasáin tiomnaithe seo.