FAQs
An nglactar le cáilíocht(aí)/dioplóma(í) a eisíodh i dtíortha nach Ballstáit den Aontas Eorpach iad?
Glactar le dioplómaí a fuarthas lasmuigh den Aontas Eorpach má tá doiciméad aitheantais ag gabháil leo arna eisiúint ag údarás inniúil náisiúnta de chuid aon Bhallstáit ar bith den Aontas. Tá doiciméad aitheantais de dhíth i leith dioplómaí a fhaightear sa Ríocht Aontaithe más tar éis an 1 Eanáir 2021 a eisíodh iad.
Ní mór an t-eolas seo a leanas ar a laghad a bheith sa doiciméad aitheantais:
- Ainm iomlán an iarrthóra
- Ainm na hollscoile
- Teideal an dioplóma a fuarthas
Tabhair do d’aire nach bhfuil an ráiteas coibhéise (rud is féidir a íoslódáil ó bhunachar sonraí NARIC na hÉireann) bailí chun na críche sin.
Tá a riachtanais incháilitheachta féin ag gach fógra comórtais/próiseas roghnúcháin do bhaill foirne ar conradh, agus d’fhéadfadh meascán éagsúil de cháilíochtaí oideachais agus de thaithí ghairmiúil a bheith san áireamh leo.
Chun an réimse dioplómaí is leithne i ngach comórtas a chlúdach, moltar d’iarrthóirí aitheantas a iarraidh le haghaidh na ndioplómaí ábhartha uile atá dearbhaithe acu ina n-iarratas.
Ní mór d’údarás inniúil náisiúnta i mBallstát den Aontas na doiciméid aitheantais a eisiúint. Thíos tá liosta neamh-uileghabhálach d’údaráis inniúla náisiúnta i mBallstáit an Aontais:
An Ostair - an Aireacht Chónaidhme Oideachais, Eolaíochta agus Taighde
An Bheilg (NL) - NARIC - Vlaanderen
An Bheilg (FR) - NARIC - Service des Équivalences
An Bheilg (DE) - NARIC - lárionad an phobal labhartha Gearmáinise
An Bhulgáir - an tIonad Náisiúnta Faisnéise agus Doiciméadachta (NACID)
An Chróit - an Ghníomhaireacht Eolaíochta agus Ardoideachais
An Chipir - Comhairle na Cipire um Aitheantas Cáilíochtaí Ardoideachais (KYSATS)
Poblacht na Seice - an Aireacht Oideachais, Óige agus Spórt
An Danmhairg - Gníomhaireacht Ardoideachais agus Eolaíochta na Danmhairge (faoin Aireacht Ardoideachais agus Eolaíochta)
An Eastóin - ENIC/NARIC na hEastóine - Aitheantas acadúil | Haridus- ja Noorteamet
An Fhionlainn - Gníomhaireacht Náisiúnta Oideachais na Fionlainne
An Fhrainc - France Éducation international
An Ghearmáin - an Lároifig um Oideachas Eachtrach - ZAB
An Ghréig - DOATAP - an Lárionad Náisiúnta Heilléanach um Aitheantas acadúil agus Faisnéis
An Ungáir - Ionad Coibhéise agus Faisnéise na hUngáire (Giorrúchán Ungáirise: MEIK)
Éire - Dearbhú Cáilíochta agus Cáilíochtaí Éireann (QQI)
An Iodáil - Titoli accademici esteri | Ministero dell'Università e della Ricerca
An Laitvia - AIC - an Lárionad Faisnéise Acadúla
An Liotuáin - SKVC - an Lárionad um Measúnú Cáilíochta san Ardoideachas
Lucsamburg - MESR - an Aireacht Taighde agus Ardoideachais
Málta - Lárionad Faisnéise Mhálta um Aitheantas Cáilíochtaí (MQRIC)
An Ísiltír - Meastóireacht Dintiúr Idirnáisiúnta (IDW)
An Pholainn - GNÍOMHAIREACHT NÁISIÚNTA NA POLAINNE UM MALARTÚ ACADÚIL
An Phortaingéil - an Ard-Stiúrthóireacht um an Ardoideachas (DGES)
An Rómáin - an Lárionad Náisiúnta um Aitheantas agus Coibhéis Dioplómaí (CNRED)
An tSlóvaic - an Lárionad um aithint dioplómaí (CRD)
An tSlóivéin - ENIC-NARIC na Slóivéine
An Spáinn - an Aireacht Eolaíochta, Nuálaíochta agus Ollscoileanna - Ardrúnaíocht na nOllscoileanna
An tSualainn - Comhairle Ardoideachais na Sualainne (UHR)