Más ag iompar clainne atá tú le linn thréimhse chlárúcháin an phróisis roghnúcháin, is féidir leat do cheisteanna, fadhbanna nó iarrataí ar choigeartuithe a chur isteach tríd an bhfoirm ar líne a iarrfar ort a líonadh isteach tar éis duit d’iarratas a chur isteach. Beidh an nasc chuig an bhfoirm ar líne san iarratas. Ná déan dearmad an teastas leighis a chur leis lena ndeimhnítear an dáta saolaithe a bhfuil coinne leis nó an dáta saolaithe iarbhír.

Má fhaigheann tú amach níos déanaí go bhfuil tú ag iompar clainne nó má shaolaíonn tú páiste le linn thréimhse an phróisis roghnúcháin, déan teagmháil le foireann thiomnaithe EPSO a luaithe is féidir trí ríomhphost a sheoladh chuig epso-accessibility@ec.europa.eu, agus cuir isteach teastas leighis a dhearbhaíonn an dáta saolaithe a bhfuil coinne leis nó an dáta saolaithe iarbhír.

Cuirfimid in iúl duit cé na roghanna is féidir a bheith ann i ndiaidh dúinn d’iarratas a scrúdú.