Tabhair do d’aire gur ar mhaithe le heolas atá an méid seo a leanas. Foilsíonn EPSO nuashonruithe go rialta.

Líon garbh atá sa líon iarrthóirí dá dtabharfar cuireadh chuig an gcéad chéim eile den chomórtas, mar atá foilsithe anseo.

Foilseofar dátaí táscacha le haghaidh na seisiún trialacha sa rannán tiomnaithe seo a luaithe a dheimhneofar iad.

Is trí thrialacha ar a ndéanfar feitheoireacht chianda a reáchtálfar an tástáil ar fad.

Tabhair do d’aire go bhféadfaidh sé nach ionann an t-ord ina riarfar na trialacha agus an t-ord ina bhfuil siad liostaithe san fhógra comórtais.

Is trí na litreacha agus trí na teachtaireachtaí i gcuntas na n-iarrthóirí, agus tríothu sin amháin, a chuirfear an t-eolas deimhnithe deiridh in iúl, pleanáil agus mionsonraí san áireamh.

Is iondúil go bhfoilsítear an cuireadh chuig na trialacha suas le coicís roimh dháta na trialach i do chuntas. Mar sin féin, d’fhéadfadh an sprioc-am sin a bheith éagsúil ag brath ar acmhainn oibríochtúil EPSO agus acmhainn oibríochtúil a chonraitheora. Tabhair do d’aire nach bhfuil sé ina chúis bhailí le gearán a dhéanamh do chuireadh a fháil níos moille ná coicís roimh an scrúdú.