Iva, tista’ tapplika għal kwalunkwe proċess ta' selezzjoni li int eliġibbli għalih, sakemm ma jkunx iddikjarat mod ieħor fl-Avviż/fis-Sejħa. Jekk jogħġbok innota li tista’ tissottometti applikazzjoni waħda għal kull profil u/jew grupp ta’ funzjoni.
Below you can find the answer to your question. If you are searching in your language and you are not getting any results, please try in English. The content may not yet be translated.
Nista’ napplika għal diversi proċessi ta' selezzjoni, profili u/jew gruppi ta’ funzjoni?
L-applikazzjoni tiegħi
Meta hija l-iskadenza għar-reġistrazzjoni?
L-applikazzjoni tiegħi
L-iskadenza għar-reġistrazzjoni se tkun iddikjarata b’mod ċar fuq kull Avviż/Sejħa u fis-sit web tal-EPSO.
Ma nistax nilloggja fil-Profil tal-EPSO tiegħi jew nikkonsultah, x’għandi nagħmel?
Il-kont tiegħi
Ara li qed tuża l-login u l-password korretti (ara “Insejt il-username/login? / Insejt il-password?”).
Ftakar: ma għandekx permess toħloq aktar minn Profil tal-EPSO wieħed, iżda f’każ li l-Profil tal-EPSO tiegħek tħassar, tista’ toħloq wieħed ġdid għall-applikazzjonijiet futuri tiegħek. Il-Profil tal-EPSO tiegħek għandu mnejn tħassar skont l-istqarrija ta’ privatezza dwar il-protezzjoni tad-data personali. Fil-qosor, b’mod regolari nħassru l-kontijiet li ġejjin:
Il-Profili tal-EPSO bla applikazzjonijiet u li nħolqu aktar minn sena ilu
Il-Profili tal-EPSO tal-anqas b’applikazzjoni waħda, u fejn l-applikazzjonijiet kollha tiegħek jissodisfaw wieħed mill-kriterji li ġejjin:
Int tpoġġejt fuq Lista ta’ Riżerva ta’ kandidati li għaddew u kont reklutat aktar minn sena ilu;
Int tpoġġejt fuq Lista ta’ Riżerva ta’ kandidati li għaddew u ma kontx reklutat, iżda l-Lista ta’ Riżerva issa hi magħluqa;
Ma tpoġġejtx fuq Lista ta’ Riżerva ta’ kandidati li għaddew u l-proċedura ta’ selezzjoni ngħalqet aktar minn sena ilu.
Jista’ jkollok profil wieħed biss tal-EPSO u tista’ tiġi eskluż f’kull stadju tal-proċedura tal-għażla minħabba li jkollok aktar minn profil wieħed.
Tista’ tiċċekkja jekk diġà għandekx Profil tal-EPSO hawnhekk: Insejt il-username/login? Daħħal wieħed wieħed l-indirizzi tal-email kollha li stajt użajt biex toħloq Profil tal-EPSO u ċċekkja jekk tirċevix messaġġ f’dak l-indirizz tal-email.
Imbagħad tista’ wkoll tirkupra l-password biex terġa’ taċċessa l-profil tal-EPSO tiegħek: Insejt il-password?
Jekk xorta waħda ma tistax tilloggja, jekk ma tistax tiftakar l-email fil-Profil tal-EPSO tiegħek jew m’għadx għandekx aċċess għalih, jekk jogħġbok ikkuntattjana immedjatament. Jekk tibgħatilna kopja tal-ID jew tal-passaport tiegħek u tipprovdilna l-indirizz tal-email il-ġdid tiegħek, nistgħu nbiddlu l-email fil-Profil tal-EPSO tiegħek.
Jekk ikollok bżonn tbiddel l-indirizz tal-email tiegħek u għad għandek aċċess għal dak illinkjat mal-Profil tal-EPSO tiegħek:
Tista’ tbiddel l-indirizz tal-email ta’ komunikazzjoni tiegħek fil-profil tal-EPSO tiegħek stess, billi tikklikkja fuq “Data personali” u mbagħad fuq “Editja d-data personali tiegħi”. Tinsiex tissejvja wara li tkun daħħalt il-bidla.
Ladarba tillinkja l-indirizz tal-email il-ġdid tiegħek mal-profil tal-EPSO tiegħek, jekk jogħġbok ikkuntattjana b’mod urġenti permezz tal-formola ta’ kuntatt biex tikkonferma li lestejt il-bidla, sabiex inkunu nistgħu ninfurmaw lill-kuntrattur tagħna dwar il-bidla fl-indirizz tal-email tiegħek.
Jekk ikollok bżonn tbiddel l-indirizz tal-email tiegħek u m’għadx għandek aċċess għal dak illinkjat mal-profil tal-EPSO tiegħek:
Jekk jogħġbok ibgħatilna messaġġ ġdid permezz tal-formola ta’ kuntatt flimkien mal-kopja tal-karta tal-identità jew tal-passaport tiegħek li turi d-data tat-twelid tiegħek. Imbagħad inkunu nistgħu nidentifikawk fis-sistema u nbiddlu l-indirizz tal-email għalik.
Hemm appoġġ għar-rilokazzjoni?
Kandidati li għaddew / reklutaġġ
Hekk kif tirċievi u taċċetta offerta ta' impjieg, is-servizzi tal-HR tal-istituzzjonijiet fi Brussell u l-Lussemburgu se jgħinuk tissetilja. B'mod partikolari, se jgħinuk issib fejn toqgħod (inkluża l-verifika tal-kuntratt tal-kera tiegħek). Jiġu organizzati wkoll Ġranet ta' Informazzjoni biex jgħinu lill-partners ta’ staff ġdid jissetiljaw f'ħajja ġdida f'pajjiż ġdid.
Kemm Brussell kif ukoll il-Lussemburgu joffru skejjel nazzjonali, Ewropej u internazzjonali eċċellenti. Is-servizzi msemmija hawn fuq jistgħu jgħinuk tagħmel kuntatt mal-crèches, il-playgroups u faċilitajiet oħra.
Nista’ naħdem xi mkien ieħor minbarra Brussell jew il-Lussemburgu?
Kandidati li għaddew / reklutaġġ
80% tal-impjiegi huma offruti fi Brussell u l-Lussemburgu.
Il-Kummissjoni Ewropea għandha rappreżentanzi f'kull pajjiż tal-UE. Il-Parlament Ewropew ukoll għandu uffiċċju ta' informazzjoni f'kull pajjiż tal-UE u s-Servizz Ewropew għall-Azzjoni Esterna għandu delegazzjonijiet f'postijiet madwar id-dinja.
L-UE għandha wkoll ħafna aġenziji u entitajiet deċentralizzati bbażati f'pajjiżi differenti. Sib liema minn dawn huma bbażati f’pajjiżek.
Kemm iddum valida l-lista ta’ riżerva tiegħi?
Kandidati li għaddew / reklutaġġ
Il-listi ta’ riżerva ġeneralment huma validi għal sena waħda (jew tliet snin għall-ispeċjalisti). Il-validità tista' tittawwal (mill-EPSO) skont il-ħtiġijiet tal-istituzzjonijiet. Normalment tittieħed deċiżjoni ftit qabel ma tiskadi l-lista u din tiġi ppubblikata fis-sit web Karrieri mal-UE.
Il-validità inizjali ta’ lista tibda mill-mument li l-kandidati li jgħaddu jkunu notifikati li tqiegħdu fil-lista ta’ riżerva. Il-validità inizjali hija ppubblikata fil-paġna tal-Listi ta’ riżerva.
Kwalunkwe dewmien fil-pubblikazzjoni tal-lista fil-paġna tal-Listi ta’ riżerva m’għandu l-ebda impatt fuq il-proċess ta’ reklutaġġ innifsu.
Kif jirreklutaw l-istituzzjonijiet mil-listi tal-EPSO?
Kandidati li għaddew / reklutaġġ
Kif ikun hemm opportunitajiet ta’ xogħol, l-istituzzjonijiet jivverifikaw il-profili tal-kandidati li għaddew u jinsabu fil-“lista ta’ riżerva” biex jidentifikaw lil dawk li jaqblu l-aktar mal-ħtiġijiet tagħhom (pereżempju, f’termini ta’ edukazzjoni, esperjenza professjonali u ħiliet lingwistiċi).
L-istituzzjonijiet jistgħu wkoll jagħżlu li jippubblikaw il-pożizzjonijiet vakanti disponibbli għal kandidati li għaddew minn proċeduri ta’ selezzjoni rilevanti permezz tal-profil tal-EPSO tagħhom.
Il-pubblikazzjoni ta’ pożizzjonijiet vakanti fil-profil tal-EPSO tiegħek hija r-responsabbiltà tal-istituzzjonijiet tal-UE. Huma jiddeċiedu liema pożizzjonijiet vakanti jiftħu għal liema lista/i ta’ riżerva.
Skont ir-Regolamenti tal-Persunal, l-uffiċjali li diġà jaħdmu fi ħdan l-istituzzjonijiet għandhom jitqiesu qabel il-kandidati fuq lista ta’ riżerva.
L-għadd ta’ persunal impjegat mill-istituzzjonijiet tal-UE huwa proporzjonali għad-daqs u l-funzjonijiet tagħhom.
Għal aktar informazzjoni, ara wkoll: Kif napplika għal impjieg ladarba nkun fil-lista ta’ riżerva?
Fejn nista' nikseb aktar informazzjoni dwar il-kundizzjonijiet tax-xogħol?
Kandidati li għaddew / reklutaġġ
Se ssib aktar informazzjoni fir-regolamenti tal-persunal.
Fejn se naħdem jekk niġi impjegat?
Kandidati li għaddew / reklutaġġ
L-EPSO jorganizza proċeduri ta’ selezzjoni prinċipalment għal 10 istituzzjonijiet u korpi tal-UE, kif ġej:
- Il-Parlament Ewropew
- Il-Kunsill tal-Unjoni Ewropea
- Il-Kummissjoni Ewropea
- Il-Qorti tal-Ġustizzja tal-Unjoni Ewropea
- Il-Qorti Ewropea tal-Awdituri
- Is-Servizz Ewropew għall-Azzjoni Esterna
- Il-Kumitat Ekonomiku u Soċjali Ewropew
- Il-Kumitat tar-Reġjuni
- L-Ombudsman Ewropew
- Il-Kontrollur Ewropew għall-Protezzjoni tad-Data
Fuq talba, l-EPSO jorganizza wkoll għażliet għal aġenziji u korpi oħra tal-UE, bħall-Uffiċċju tal-Proprjetà Intellettwali tal-Unjoni Ewropea, il-Bord Uniku ta’ Riżoluzzjoni, l-Aġenzija Eżekuttiva għar-Riċerka, kif ukoll għad-delegazzjonijiet tal-UE madwar id-dinja u r-rappreżentanzi tal-UE fl-Istati Membri tal-UE.
Għalhekk, jekk tirnexxi fi proċedura ta’ selezzjoni, tista’ tiġi impjegat f’postijiet differenti, l-aktar fi Brussell u l-Lussemburgu. Jekk jogħġbok iċċekkja l-Avviż tal-kompetizzjoni jew is-Sejħa għal espressjonijiet ta’ interess għal aktar informazzjoni.
Għaliex hemm żewġ tipi differenti ta’ Kontijiet tal-kandidati (Profil tal-EPSO vs Portal Uniku tal-Kandidati)?
Single Candidate Portal/EU Login
Il-Portal Uniku tal-Kandidati ssostitwixxa l-Profil tal-EPSO għall-applikazzjonijiet għall-kompetizzjonijiet miftuħa. Il-proċedura ta’ selezzjoni tal-aġenti kuntrattwali (CAST) tkompli tiġi mmaniġġjata permezz tal-profil tal-EPSO sakemm jingħata avviż ieħor.
Għall-kompetizzjonijiet ippubblikati wara l-1 ta’ Jannar 2025, uża l-Portal Uniku tal-Kandidati
Il-kandidati jista’ jkollhom aktar minn profil wieħed tal-Portal Uniku tal-Kandidati, iżda s-sottomissjoni ta’ aktar minn applikazzjoni waħda għall-istess kompetizzjoni hija strettament ipprojbita (irreferi għall-Avviż tal-Kompetizzjoni għad-dettalji kollha).
Għall-kompetizzjonijiet ippubblikati sal-31 ta’ Diċembru 2024 u l-proċeduri ta’ selezzjoni tal-Aġenti Kuntrattwali (CAST), uża l-profil tal-EPSO.
Profil tal-EPSO wieħed biss huwa permess, li jkollok aktar minn profil tal-EPSO wieħed jista’ jkun il-kawża ta’ esklużjoni fi kwalunkwe wieħed mill-istadji tal-proċedura ta’ selezzjoni. Jekk jogħġbok ikkuntattjana jekk taħseb li jista’ jkollok aktar minn profil tal-EPSO wieħed.
Id-data personali tiegħek fuq il-Portal uniku tal-kandidati u/jew il-profil tal-EPSO tiegħek trid tkun dejjem aġġornata. L-EPSO juża dawn il-kontijiet biex jikkomunika mal-kandidati, għalhekk għandek tikkonsulta l-kontijiet tiegħek kull 3 ijiem kalendarji.
