Biex tapplika, trid tissodisfa r-rekwiżiti li ġejjin:

• Tkun ċittadin tal-UE u tgawdi d-drittijiet kollha ta’ ċittadin tal-UE.
   
• Ikollok għarfien perfett tal-lingwa tal-kompetizzjoni u għarfien approfondit ta’ żewġ lingwi uffiċjali oħra tal-UE, kif indikat fit-tabella ta’ hawn taħt. Għall-prattiċità, il-lingwi rikjesti jissejħu l-“lingwa 1”, il-“lingwa 2” u l-“lingwa 3”.
   

• Int trid ukoll tkun temmejt l-istudji universitarji fil-liġi. Għal kull kompetizzjoni japplikaw kundizzjonijiet speċifiċi. Tista’ ssib informazzjoni dettaljata dwar il-kwalifiki edukattivi meħtieġa fl-Avviż ta’ Kompetizzjoni.
   
• Bħala regola, mhi meħtieġa ebda esperjenza professjonali. Madankollu, f’każijiet fejn il-kwalifiki edukattivi meħtieġa ta’ kandidat jikkorrispondu għal studji universitarji mitmuma ta’ 3 snin biss, huma għandhom sussegwentement ikunu kisbu wkoll esperjenza professjonali rilevanti ta’ mill-inqas sena.

Bħala impjegaturi, l-istituzzjonijiet u l-korpi tal-UE joffru komunità ta’ għarfien espert b’firxa wiesgħa ta’ opportunitajiet biex twessa’ l-iżvilupp personali u professjonali tiegħek. It-timijiet multikulturali, internazzjonali u diversi li jiffurmaw is-Servizz Ċivili tal-UE jaħdmu flimkien biex minn dan jibbenefikaw madwar 450 miljun ċittadin tal-UE, u oħrajn lil hinn minnha.

L-istituzzjonijiet u l-korpi tal-UE li l-EPSO jaħdem għalihom, huma impenjati favur id-diversità u l-inklużjoni. Huma jfittxu d-diversità b’mod attiv u jippromwovu l-inklużjoni fost l-istaff tagħhom. Għalhekk, l-EPSO jinkoraġġixxi applikazzjonijiet minn kandidati kwalifikati minn sfondi differenti u fuq l-aktar bażi ġeografika wiesgħa possibbli fost l-Istati Membri tal-UE. Tgħallem aktar dwar id-Diversità u l-Inklużjoni fl-istituzzjonijiet u l-korpi tal-UE f’din il-paġna web iddedikata.