Meta taċċessa l-Portal Uniku tal-Kandidati tiġi ridirett lejn l-awtentikazzjoni tal-EU Login:
F’każ li għadek ma għamiltx dan, l-ewwel trid Toħloq il-Kont tal-EU Login tiegħek.
Daħħal l-indirizz tal-email tiegħek u kklikkja “Li jmiss”. Ara li ma tuża ebda opzjoni ta’ reġistrazzjoni ta’ parti terza bħall-eID inkella titlef l-aċċess għall-kont li fih l-applikazzjoni(jiet) tiegħek.
Tista’ tawtentika biss billi tuża dan li ġej:
1) kodiċi PIN
![]()
![]()
2) kodiċi QR
L-ewwel darba li taċċessa l-Portal Uniku tal-Kandidati, trid taċċetta r-regoli fil-Politika dwar il-privatezza tad-data.
Ladarba tkun aċċettajt l-istqarrija dwar il-privatezza tad-data, tiġi ridirett lejn il-profil tiegħek fil-Portal Uniku tal-Kandidati. Ismek u kunjomok ikunu mimlija minn qabel fil-profil tiegħek. L-indirizz tal-email fl-EU Login tiegħek se jiġi kkupjat awtomatikament ukoll fil-profil tiegħek. Imla l-oqsma neqsin.
IMPORTANTI: Id-data personali fil-profil tiegħek (kunjomok, ismek u d-data tat-twelid tiegħek) trid tkun identika għad-data personali fid-dokument tal-identità tiegħek bir-ritratt tiegħek (ID jew passaport). Jekk għandek aktar minn kunjom wieħed jew isem wieħed fuq id-dokument tal-identità tiegħek, trid telenkahom kollha.
Il-kandidati b’kont tal-utent estern jistgħu jżidu kopja (ġdida jew aġġornata) tal-ID jew tal-passaport tagħhom fi kwalunkwe ħin permezz tal-buttuna “Żid in-Nazzjonalità” (ara l-istampa ta’ hawn fuq).
Trid tindika n-numri tal-mobile u tat-telefown tad-dar tiegħek. Jekk għandek numru tat-telefown wieħed biss, tista’ tikkupjah fiż-żewġ oqsma. Uża biss il-format li ġej: + il-kodiċi tal-pajjiż, segwit min-numru.
Trid iżżid mill-inqas nazzjonalità waħda. Innota li biex tipparteċipa fi proċeduri ta’ selezzjoni organizzati mill-EPSO, trid tkun ċittadin ta’ wieħed mill-Istati Membri tal-UE. Id-dati tal-bidu u tat-tmiem mhumiex obbligatorji.
Ikklikkja:
Se tiġi ridirett lejn il-formola fejn trid tagħżel it-tieni fattur ta’ awtentikazzjoni permezz tal-App Mobbli tal-EU Login.
Navigazzjoni fil-Portal Uniku tal-Kandidati:
Mill-paġna ewlenija tal-Portal Uniku tal-Kandidati, tista’:
L-applikazzjonijiet tiegħi
Tista’ ssib l-abbozz tal-applikazzjonijiet u l-applikazzjonijiet sottomessi tiegħek permezz tal-link L-Applikazzjonijiet Tiegħi fil-paġna ewlenija tal-Portal Uniku tal-Kandidati.
Tista’ tissejvja l-applikazzjoni tiegħek fi kwalunkwe ħin biex timmodifikaha u tissottomettiha aktar tard. Trid tissottometti l-applikazzjoni tiegħek qabel l-iskadenza fl-avviż tal-kompetizzjoni. L-applikazzjonijiet li ma jiġux sottomessi sal-iskadenza ma jitqisux. F’konformità mal-istqarrija dwar il-privatezza tad-data, dawn se jitħassru sena wara l-iskadenza.
Tista’ wkoll tirtira l-applikazzjoni tiegħek sakemm tgħaddi l-iskadenza għall-applikazzjonijiet.
Kull applikazzjoni għandha numru uniku. Jekk tiddeċiedi li teditja applikazzjoni li tkun ġiet ivvalidata qabel, l-applikazzjoni tiegħek tingħata numru ġdid.
