Tar éis chinneadh bhord bainistíochta EPSO (comhlacht rialaithe idirinstitiúideach EPSO) ag deireadh 2023, tá EPSO ag ullmhú anois chun a bpróisis roghnúcháin a reáchtáil faoi chóras iomlán 24 theanga. Go praiticiúil is éard a chiallaíonn sé sin go gcuirfidh EPSO feabhas ar a thiomantas don ilteangachas, go ndéanfaidh sé a chinntiú go mbeidh na trialacha ar fad ar fáil i ngach ceann de 24 theanga oifigiúla an Aontais Eorpaigh. Bhí an méid sin san áireamh cheana i dtiomantas EPSO nuair a fógraíodh an tsamhail chomórtais nua go luath in 2023.

Leis na próisis roghnúcháin a fhoilseoidh EPSO amhail ó 2024, beidh iarrthóirí in ann na trialacha ar fad a dhéanamh in aon cheann de 24 theanga oifigiúla an Aontais. Tá feidhm go fóill ag na ceanglais dhá theanga éagsúla a úsáid chun na trialacha roghnúcháin a dhéanamh in aon chomórtas ar leith. Tá feidhm ag coinníollacha sonracha maidir le comórtais le haghaidh próifílí teanga. Chun na mionsonraí a fháil, féach i gcónaí an fógra comórtais faoi seach.

Na próisis roghnúcháin a foilsíodh in 2023 nár cuireadh tús lena seisiúin tástála go fóill (e.g. comórtais i réimsí an Iompair agus an Fhuinnimh Núicléach), déanfar na fógraí comórtais a ghabhann leo a leasú dá réir sin. Ní bheidh an méid sin infheidhme maidir le comórtais atá ar siúl faoi láthair ar cuireadh tús lena seisiúin tástála cheana féin.

Is féidir leat níos mó a fhoghlaim faoi 24 theanga oifigiúla an Aontais ar shuíomh gréasáin Europa: Teangacha, an t-ilteangachas, rialacha teanga | an tAontas Eorpach (europa.eu)