Skip to main content
Lógó an Choimisiúin Eorpaigh

Déan iarratas ar ghairm i réimse an bhainistithe sonraí agus an eolais ar shonraí

Tá na hinstitiúidí den Aontas Eorpach ag lorg gairmithe i réimse an bhainistithe sonraí agus an eolais ar shonraí. Earcófar na hiarrthóirí a n-éireoidh leo mar riarthóirí ag grád AD 7 i gcás poist atá lonnaithe i Lucsamburg.

Féadfar aon cheann de na dualgais atá liostaithe thíos a shannadh do na hiarrthóirí a n-éireoidh leo, go haonarach nó in éineacht le chéile, de réir riachtanais na seirbhíse. Féadfar dualgais chomhchosúla nó dualgais ghaolmhara a shannadh freisin.

  1. Ailtireacht agus idir-inoibritheacht sonraí – córais sonraí a dhearadh agus a struchtúrú chun idir-inoibritheacht agus comhlíontacht an Aontais a chinntiú
  2. Rialachas agus comhlíontacht sonraí – creataí a bhunú chun rochtain ar shonraí, cáilíocht sonraí agus gnéithe eile den tírdhreach rialála a bhainistiú
  3. Beartais agus straitéis sonraí – creataí straitéiseacha a fhorbairt chun beartais maidir le bainistiú agus úsáid sonraí ar fud na n-earnálacha a threorú
  4. Innealtóireacht agus comhtháthú sonraí – córais a thógáil agus a chothabháil chun sonraí a ionghabháil, faisnéis struchtúrtha/leathstruchtúrtha, ábhar ilmheán, sonraí geospásúla, etc., a chlaochlú agus a scaipeadh
  5. Stórasú sonraí agus ardáin sonraí – stórtha agus ardáin láraithe a chruthú chun sonraí a stóráil agus a anailísiú
  6. Faisnéis ghnó agus tuairisciú – léargais inghníomhaithe a dhéanamh de shonraí trí anailísíocht agus léirshamhlú
  7. Máistirshonraí agus sonraí tagartha a bhainistiú – comhsheasmhacht agus cruinneas sonraí gnó criticiúla a chinntiú ar fud na gcóras
  8. Tacsanomaíocht sonraí agus bainistiú meiteashonraí – sonraí a eagrú agus a chur i gcomhthéacs chun so-aimsitheacht, inrochtaineacht agus in-athúsáidteacht a fheabhsú
  9. Bainistiú cáilíochta sonraí – cruinneas, iomláine agus iontaofacht na sonraí a chinntiú
  10. Slándáil sonraí agus príobháideachas – sonraí a chosaint ar rochtain neamhúdaraithe agus comhlíonadh na rialachán príobháideachais a chinntiú
  11. Ard-anailísíocht agus ullmhú IS – sonraí struchtúrtha agus neamhstruchtúrtha a ullmhú le haghaidh na meaisínfhoghlama agus feidhmchláir IS, agus samhlacha teanga móra san áireamh

Tá eolas mionsonraithe faoi dhualgais shonracha an phoist le fáil san fhógra comórtais (féach Iarscríbhinn II – Príomhdhualgais).

An bhfuil an mianach ceart ionat?

Chun iarratas a dhéanamh, ní mór duit na ceanglais seo a leanas a chomhlíonadh:

  • A bheith i do náisiúnach den Aontas Eorpach agus cearta iomlána mar shaoránach den Aontas a bheith agat.
     
  • Eolas cuimsitheach a bheith agat ar cheann amháin de theangacha oifigiúla an Aontais agus eolas sásúil a bheith agat ar cheann eile de theangacha oifigiúla an Aontais.
     
  • Ní mór céim ollscoile ábhartha a bheith agat freisin, chomh maith leis na blianta riachtanacha de thaithí oibre ábhartha, mar seo a leanas:
     
    • Dioplóma ollscoile trí bliana i gceann de na réimsí atá liostaithe thíos + sé bliana de thaithí ábhartha:
      • intleacht shaorga (IS), meaisínfhoghlaim, eolaíocht sonraí, anailísíocht sonraí, innealtóireacht sonraí; bainistiú sonraí, rialachas sonraí, bainistiú faisnéise, bainistiú eolais; eacnamaíocht, eacnaiméadracht, airgeadas, cuntasaíocht, eolaíocht achtúireach, bainistíocht ghnó, anailísíocht ghnó, faisnéis ghnó; innealtóireacht (speisialú sonraí nó TF), innealtóireacht ríomhaireachta, ríomheolaíocht, teicneolaíocht faisnéise agus cumarsáide, faisnéisíocht, eolaíocht faisnéise, córais faisnéise; dlí, staidéir Eorpacha, caidreamh idirnáisiúnta, eolaíocht pholaitiúil, riarachán poiblí; matamaitic, staidreamh.
         
    • NÓ dioplóma ollscoile ceithre bliana i gceann de na réimsí atá liostaithe thuas + cúig bliana de thaithí ábhartha.
       
    • NÓ dioplóma ollscoile trí bliana i réimse seachas iad siúd atá liostaithe thuas + seacht mbliana de thaithí ábhartha.
24 theanga oifigiúla de chuid an Aontais Eorpaigh le haghaidh na dtrialacha

Féadfaidh na hiarrthóirí aon dá cheann de 24 theanga oifigiúla an Aontais Eorpaigh a roghnú le haghaidh na dtrialacha.

Nuair a chuirfear na hiarrthóirí a n-éireoidh leo ar phainéal, féadfaidh seirbhísí earcaíochta chomhlachtaí agus institiúidí an Aontais Eorpaigh ar spéis leo a bpróifíl dul i dteagmháil leo chun agallaimh earcaíochta spriocdhírithe a dhéanamh. Na hagallaimh sin agus aon phróiseas gaolmhar eile, tá siad lasmuigh den phróiseas roghnúcháin a dhéanann EPSO. Is iad na seirbhísí earcaíochta ábhartha a dhéanann na hagallaimh earcaíochta, i mBéarla agus/nó i bhFraincis de ghnáth. Féadfar teangacha eile a úsáid le linn na n-agallamh freisin, de réir riachtanais na seirbhísí earcaíochta agus an eolais a chuir na hiarrthóirí in iúl ina n-iarratas.

Éagsúlacht agus Cuimsiú

Don duine atá fostaithe acu, cuireann institiúidí agus comhlachtaí an Aontais Eorpaigh pobal saineolais ar fáil maille le cuid mhór deiseanna ar a fhorbairt phearsanta agus a fhorbairt ghairmiúil a leathnú. Na foirne ilchultúrtha idirnáisiúnta ilchineálacha a bhíonn ag obair i státseirbhís an Aontais Eorpaigh, bíonn siad ag obair ar son tuairim agus 450 milliún saoránach den Aontas agus tuilleadh nach iad.

Tá institiúidí agus comhlachtaí an Aontais a n-oibríonn EPSO dóibh tiomanta don éagsúlacht agus don chuimsiú. Féachann siad leis an éagsúlacht a bhaint amach go gníomhach agus cuireann siad an cuimsiú chun cinn i measc a mball foirne. Dá bhrí sin, is mór ag EPSO iarratais ó iarrthóirí cáilithe ó chúlraí éagsúla agus ón mbonn geografach is leithne is féidir i measc Bhallstáit an Aontais Eorpaigh. Tá tuilleadh eolais faoin Éagsúlacht agus Cuimsiú in institiúidí agus comhlachtaí an Aontais le fáil ar an leathanach gréasáin tiomnaithe seo.

Tá eolas mionsonraithe faoi na riachtanais le fáil san fhógra comórtais ar an leathanach iarratais thíos.

Is féidir iarratas a dhéanamh ón 11 Samhain 2025 agus is é an 16 Nollaig 2025 ar 12:00 (meán lae), am Lucsamburg, an sprioc-am le hiarratas a dhéanamh.

Ní mór d’iarrthóirí cóip scanta dá gcárta aitheantais nó dá bpas bailí a sholáthar faoin 16 Nollaig 2025 ar 12:00 (meán lae), am Lucsamburg, agus cóipeanna scanta de na doiciméid a thacaíonn leis na dearbhuithe a rinne siad ina bhfoirm iarratais a sholáthar faoin 20 Márta 2026 ar 12:00 (meán lae), am Lucsamburg.

Tús a chur leis - Bainistiú sonraí agus eolas ar shonraí

Meet EU staff

picture of Ricardo
“I strongly believe that good decisions start with good data. As data analyst at the European Court of Auditors, I

Ricardo, European Court of Auditors

“As the leader of the team responsible for the statistics in the directorate for translation, I analyse and make available

Aude, European Parliament

picture of Mihai
“Behind every insightful report or AI model lies an orchestrated effort — governance, architecture, data quality, and the right tools

Mihai, Court of Justice of the European Union

picture of Georgi
“I’m passionate about transforming complex information into knowledge people can use. Behind every decision lies data – and how we

Georgi, European Parliament

  • 0
  • 1
  • 2
  • 3
See all people