Skip to main content
Lógó an Choimisiúin Eorpaigh

Déan iarratas ar ghairm i réimse an bhainistithe foirgneamh

An saineolaí ar bhainistiú foirgneamh thú? Ar mhaith leat tús a chur le gairmréim idirnáisiúnta mar chuid d’fhoireann ilchultúrtha ilchineálach? Dá mba mhaith, léigh leat.

Tá institiúidí an Aontais Eorpaigh ag lorg gairmithe i gceithre cinn de réimsí: bainistiú tionscadal san earnáil foirgníochta, ailtireacht agus bainistiú tionscadal, innealtóireacht leictreach agus bainistiú tionscadal, chomh maith le hinnealtóireacht téimh, aerála agus aerchóirithe (HVAC) agus bainistiú tionscadal. Ní fhéadfaidh iarrthóirí iarratas a dhéanamh ach ar cheann amháin de na réimsí sin, agus earcófar na hiarrthóirí a n-éireoidh leo mar riarthóirí ar ghrád AD 7.

Beidh na hoifigigh a earcófar freagrach as tionscadail foirgníochta a phleanáil, a dhearadh agus a chur i bhfeidhm ar fud institiúidí an Aontais. Ar na dualgais tá tionscadail foirgníochta agus athchóirithe a bhainistiú, cinnte a dhéanamh de chomhlíonadh na gcaighdeán inbhuanaitheachta, inrochtaineachta, sábháilteachta agus slándála, agus maoirseacht a dhéanamh ar staidéir theicniúla, ar bhuiséid, ar thairiscintí agus ar chonarthaí. Déanfaidh na bainisteoirí tionscadail comhordú freisin ar fhoirne inmheánacha agus ar chonraitheoirí seachtracha, rannchuideoidh siad le beartas a chur i bhfeidhm, agus cinnteoidh siad ardchaighdeáin maidir le feidhmíocht, compord agus freagracht comhshaoil foirgneamh.

Tá eolas mionsonraithe faoi dhualgais shonracha an phoist le fáil san fhógra comórtais (féach Iarscríbhinn II – Príomhdhualgais).

An bhfuil an mianach ceart ionat?

Chun iarratas a dhéanamh, ní mór duit na ceanglais seo a leanas a chomhlíonadh:

  • A bheith i do náisiúnach den Aontas Eorpach agus cearta iomlána mar shaoránach den Aontas a bheith agat.
     
  • Eolas cuimsitheach a bheith agat ar cheann amháin de theangacha oifigiúla an Aontais agus eolas sásúil a bheith agat ar cheann eile de theangacha oifigiúla an Aontais.
     
  • Ní mór céim ollscoile ábhartha a bheith agat freisin, chomh maith leis na blianta riachtanacha de thaithí oibre ábhartha, mar seo a leanas:
    • Staidéar ollscoile 3 bliana ar a laghad + 7 mbliana ar a laghad de thaithí, sin nó
    • Staidéar ollscoile 4 bliana ar a laghad + 6 bliana ar a laghad de thaithí, sin nó
    • Staidéar ollscoile 5 bliana ar a laghad + 5 bliana ar a laghad de thaithí, sin nó
    • Staidéar ollscoile 6 bliana ar a laghad + 4 bliana ar a laghad de thaithí.
24 theanga oifigiúla de chuid an Aontais Eorpaigh le haghaidh na dtrialacha

Féadfaidh na hiarrthóirí aon dá cheann de 24 theanga oifigiúla an Aontais Eorpaigh a roghnú le haghaidh na dtrialacha.

Nuair a chuirfear na hiarrthóirí a n-éireoidh leo ar phainéal, féadfaidh seirbhísí earcaíochta chomhlachtaí agus institiúidí an Aontais Eorpaigh ar spéis leo a bpróifíl dul i dteagmháil leo chun agallaimh earcaíochta spriocdhírithe a dhéanamh. Na hagallaimh sin agus aon phróiseas gaolmhar eile, tá siad lasmuigh den phróiseas roghnúcháin a dhéanann EPSO. Is iad na seirbhísí earcaíochta ábhartha a dhéanann na hagallaimh earcaíochta, i mBéarla agus/nó i bhFraincis de ghnáth. Féadfar teangacha eile a úsáid le linn na n-agallamh freisin, de réir riachtanais na seirbhísí earcaíochta agus an eolais a chuir na hiarrthóirí in iúl ina n-iarratas.

Éagsúlacht agus Cuimsiú

Don duine atá fostaithe acu, cuireann institiúidí agus comhlachtaí an Aontais Eorpaigh pobal saineolais ar fáil maille le cuid mhór deiseanna ar a fhorbairt phearsanta agus a fhorbairt ghairmiúil a leathnú. Na foirne ilchultúrtha idirnáisiúnta ilchineálacha a bhíonn ag obair i státseirbhís an Aontais Eorpaigh, bíonn siad ag obair ar son tuairim agus 450 milliún saoránach den Aontas agus tuilleadh nach iad.

Tá institiúidí agus comhlachtaí an Aontais a n-oibríonn EPSO dóibh tiomanta don éagsúlacht agus don chuimsiú. Féachann siad leis an éagsúlacht a bhaint amach go gníomhach agus cuireann siad an cuimsiú chun cinn i measc a mball foirne. Dá bhrí sin, is mór ag EPSO iarratais ó iarrthóirí cáilithe ó chúlraí éagsúla agus ón mbonn geografach is leithne is féidir i measc Bhallstáit an Aontais Eorpaigh. Tá tuilleadh eolais faoin Éagsúlacht agus Cuimsiú in institiúidí agus comhlachtaí an Aontais le fáil ar an leathanach gréasáin tiomnaithe seo.

Tá eolas mionsonraithe faoi na riachtanais le fáil san fhógra comórtais ar an leathanach iarratais thíos.

Is féidir iarratas a dhéanamh ón 16 Meán Fómhair 2025 go dtí an 17 Deireadh Fómhair 2025 ar 12:00 (meán lae), am na Bruiséile.

Ní mór d’iarrthóirí cóip scanta dá gcárta aitheantais nó dá bpas bailí a sholáthar faoin 17 Deireadh Fómhair 2025 ar 12:00 (meán lae), am na Bruiséile, agus cóipeanna scanta de na doiciméid a thacaíonn leis na dearbhuithe a rinne siad ina bhfoirm iarratais a sholáthar faoin 12 Feabhra 2026 ar 12:00 (meán lae), am na Bruiséile.

Tús a chur leis - Bainistiú tionscnamh san earnáil tógála
Tús a chur leis - Ailtireacht agus bainistiú tionscadal
Tús a chur leis - Innealtóireacht leictreach agus bainistiú tionscadal
Tús a chur leis - Innealtóireacht téimh, aerála agus aerchóirithe agus bainistiú tionscadal

Is féidir an seicheamh idir céim 3 agus céim 4 a thiontú thart, i gcomhréir le riachtanais oibriúcháin EPSO. Athruithe den sórt sin a d’fhéadfaí a dhéanamh, cuirfidh EPSO in iúl iad in am trátha.

Meet EU staff

“As an architect within the EU institutions, I design and manage projects across our buildings, creating the spaces where staff

Rafael, Council of the European Union

picture of Malgorzata
“As an architect, creation of a better built environment is part of my DNA. I am proud to build the

Malgorzata, European Commission

Picture of Keith
“As an engineer, I am fascinated by the world of construction and building management. For many years, I have worked

Keith, European Commission

picture of Ewa
“As a building specialist, I help construct Europe from within. The goal is simple, make a comfortable, green and safe

Ewa, European Commission

picture of Norman
“As a buildings’ administrator, I face daily challenges that stimulate my technical skills while thriving in enriching human relationships. I

Norman, Council of the European Union

picture of Corina
“As an architect working for a European Institution, I’ve received my fair share of raised eyebrows and confused looks throughout

Corina, Council of the European Union

  • 0
  • 1
  • 2
  • 3
  • 4
  • 5
See all people