Akkomodamenti Raġonevoli
Il-kandidati jistgħu jitolbu akkomodamenti matul proċedura ta’ selezzjoni billi jindikaw il-ħtiġijiet speċifiċi tagħhom fil-formola tal-applikazzjoni u jipprovdu dokumenti ta’ sostenn li jiddeskrivu b’mod espliċitu n-natura tad-diżabilità tagħhom u jiġġustifikaw l-akkomodamenti mitluba, bħal:
- ċertifikati mediċi
- ċertifikati ta’ diżabilità (aċċettati biss meta jkunu akkumpanjati minn ċertifikat li jiddeskrivi b’mod ċar in-natura tad-diżabilità)
- rapporti ta’ speċjalisti
Kull talba tiġi vvalutata individwalment mit-Tim tal-Aċċessibbiltà tal-EPSO, abbażi ta’:
- il-limitazzjonijiet funzjonali tal-kandidat
- it-tip ta’ test u l-metodu tal-ittestjar
- l-azzjonijiet meħtieġa matul it-test
- dokumentazzjoni ta' appoġġ
Jistgħu jiġu kkonsultati esperti esterni meta jkun meħtieġ, b’rispett sħiħ għall-kunfidenzjalità tad-data. Id-data personali u medika kollha tiġi ttrattata b’mod kunfidenzjali f’konformità mar-regoli tal-UE dwar il-protezzjoni tad-data.
Jekk jogħġbok innota
- l-akkomodamenti jingħataw fuq bażi ta’ każ b’każ
- l-arranġamenti finali jistgħu jvarjaw mit-talba inizjali
- kundizzjonijiet mediċi multipli ma jwasslux awtomatikament għal akkomodamenti kumulattivi
- ċertifikat jiġi aċċettat biss bħala suffiċjenti jekk jiddeskrivi b’mod espliċitu n-natura tad-diżabilità tiegħek u jiġġustifika l-akkomodamenti raġonevoli mitluba
Aqra wkoll:
gwida pass pass dwar il-proċedura tal-akkomodamenti raġonevoli (disponibbli wkoll bil-Braille fuq talba)
Politika ta’ akkomodamenti raġonevoli relatati mat-tqala u l-ħlas.
Il-lista ta’ hawn taħt tipprovdi eżempji ta’ akkomondamenti u funzjonalitajiet ta’ tagħmir tal-IT possibbli. Mhijiex eżawrjenti u mhijiex kuntrattwali. L-EPSO jagħmel kull sforz biex jipprovdi l-akkomodamenti raġonevoli meħtieġa.
Jekk għandek xi mistoqsijiet, ikkuntattja lil: EPSO-ACCESSIBILITY@ec.europa.eu ✉️
