Mistoqsijiet kampjun u materjali ta’ gwida jistgħu jinstabu fit-taqsima tal-Ittestjar tal-EPSO fuq is-sit web tagħna. Jekk jogħġbok innota li dawn l-eżempji huma pprovduti għal skopijiet ta’ informazzjoni biss u mhumiex materjal ta’ taħriġ. L-EPSO la joffri korsijiet preparatorji u lanqas ma japprova pubblikazzjonijiet esterni jew servizzi ta’ taħriġ. Xi Stati Membri tal-UE jistgħu joffru appoġġ jew taħriġ għall-kandidati. Biex issir taf jekk jeżistux opportunitajiet bħal dawn f’pajjiżek, ikkuntattja lill-awtoritajiet nazzjonali rilevanti direttament.

Għall-kompetizzjonijiet miftuħa, hemm disponibbli informazzjoni dettaljata dwar it-testijiet fl-Avviż tal-Kompetizzjoni.