Hija r-responsabbiltà tal-Bord ta’ Selezzjoni maħtur għall-kompetizzjoni li jinterpreta u jevalwa r-rekwiżiti ta’ eliġibbiltà u li jaċċetta jew jirrifjuta l-informazzjoni li tissottometti. Ir-riżultati ta’ din l-evalwazzjoni se jiġu ppubblikati fil-Profil tal-EPSO tiegħek flimkien mar-riżultati tat-test.

Fl-avviż tal-kompetizzjoni se ssib informazzjoni dwar il-kriterji tal-eliġibbiltà (inkluż dwar il-kwalifiki u l-esperjenza professjonali). Kwalunkwe interpretazzjoni tal-informazzjoni li tissottemetti hija l-prerogattiva tal-Bord ta’ Selezzjoni, mhux tal-EPSO.

Nissuġġerulek taqra bir-reqqa l-avviż tal-kompetizzjoni u tipprovdi informazzjoni preċiża u eżawrjenti fl-applikazzjoni tiegħek dwar il-kwalifiki u l-esperjenza professjonali tiegħek.

F’konformità mar-rekwiżiti fl-avviż tal-kompetizzjoni, inti meħtieġ ukoll ittella’ dokumenti ta’ sostenn fil-Profil tal-EPSO tiegħek u tillinkja d-dokumenti mal-entrati rilevanti fil-formola tal-applikazzjoni tiegħek. Jekk jogħġbok iċċekkja wkoll l-informazzjoni rilevanti tagħna dwar id-dokumenti ta’ sostenn.