Is cúis bhróid don Oifig Eorpach um Roghnú Foirne (EPSO) léargas níos mine a thabhairt duit ar an obair a dhéanaimid agus ar na daoine díograiseacha atá ina bun. 

Oibríonn thart ar 120 gairmí go dícheallach in EPSO gach lá chun freastal ar riachtanais earcaíochta institiúidí agus chomhlachtaí an Aontais Eorpaigh.

Is í ár bhfoireann atá freagrach as 46,000 iarratas a phróiseáil gach bliain ar an meán, agus is í a eagraíonn trialacha i ngach ceann de 24 theanga oifigiúla an Aontais, éacht ar leith i réimse an roghnúcháin pearsanra. Táimid tiomanta iarrthóirí tréitheacha a shainaithint ó gach ceann de 27 mBallstát an Aontais agus tacú leo, rud a chinnteoidh go mbeidh todhchaí na hEorpa faoi chúram na ndaoine cearta.

Iarraimid ort féachaint ar an bhfíseán chun léargas a fháil ar ár gcuid oibre agus ar ár n-iarrachtaí daoine tréitheacha uaillmhianacha a mheaitseáil le deiseanna ar fud institiúidí agus chomhlachtaí an Aontais.

Tá tuilleadh eolais faoi dheiseanna fostaíochta san Aontas Eorpach le fáil ar na leathanaigh seo a leanas:

• Próisis roghnúcháin atá le teacht | EU Careers
• Iarratais atá ar oscailt | EU Careers
• Folúntais | EU Careers