Is é is aidhm do chláir oiliúna EUDA an méid seo a leanas a dhéanamh:

• deis a thabhairt do chéimithe óga ollscoile taithí a fháil ar chuspóirí ginearálta agus próiseas an lánpháirtithe Eorpaigh;
• eolas praiticiúil a thabhairt d’oiliúnaithe faoin gcaoi a n-oibríonn gníomhaireacht Eorpach;
• a chur ar chumas oiliúnaithe taithí phraiticiúil agus eolas praiticiúil a fháil ar obair laethúil EUDA agus na n-aonad ann;
• deis a thabhairt d’oiliúnaithe a bheith ag obair i dtimpeallacht éagsúil ilteangach, rud a chuirfidh le forbairt na comhthuisceana, na hiontaoibhe agus na caoinfhulaingthe;
• a chur ar chumas oiliúnaithe an t-eolas a fuair siad le linn a gcuid staidéir nó a ngairmréimeanna a chur i bhfeidhm.

Cé atá in ann iarratas a dhéanamh? Céimithe ollscoile ar saoránaigh de Bhallstát den Aontas Eorpach iad, nó ar saoránaigh den Iorua nó den Tuirc iad

Fad tréimhse: 3-8 mí

An tréimhse oiliúna le pá í? Braitheann sé ar an mbuiséad atá ar fáil

Dátaí tosaigh: Leanúnach

Léigh tuilleadh sonraí faoin mbeartas maidir le tréimhsí oiliúna.

Tá na tréimhsí oiliúna seo dírithe ar chéimithe ollscoile a bhfuil taithí éigin acu ar réimsí oibre na hOifige, a fuair siad le linn dóibh a bheith in mbun staidéir nó ar shlí eile.

Cé atá incháilithe? Náisiúnaigh de Bhallstáit an Aontais Eorpaigh nó de thíortha nach Ballstáit iad, a bhfuil bunchúrsa ardoideachais ar a laghad críochnaithe acu, agus teastas oifigiúil ón ollscoil á dheimhniú sin, agus atá in ann a bheith ag obair i gceann amháin de na cúig theanga oibre atá ag an Oifig (Béarla, Fraincis, Gearmáinis, Iodáilis agus Spáinnis).

Fad ama: 2-6 mhí

Pá: Ní tréimhse oiliúna ar pá é seo

Dátaí tosaigh: Níl aon dáta tosaigh ar leith leagtha síos

Through its traineeship scheme, ENISA benefits from the input of university graduates without excluding those who – in the framework of lifelong learning – have recently obtained a university diploma or are at the beginning of a new professional career.

Who can apply: Nationals of the Member States of the European Union or the European Free Trade Association (EFTA), unless an exception is authorized by the appointing authority, who have completed a university-level education of at least 3 years and obtained a full bachelor’s degree or its equivalent by the closing date for applications and enjoy their full rights as citizens.

Duration: 6-12 months

Paid: Yes. Around 1,500€ per month

Starting Dates: Ongoing

ENISA’s career portal: Careers | ENISA

Tá sé d’aidhm ag an tréimhse oiliúna seo taithí phraiticiúil a thabhairt do ghairmithe óga ar an Aontas Eorpach i gcoitinne agus ar an Oifig Maoine Intleachtúla go háirithe, agus ina theannta sin deis a thabhairt dóibh úsáid phraiticiúil a bhaint as an eolas a fuair siad le linn a staidéir agus ag tosú amach sa saol oibre, go háirithe sna sainréimsí inniúlachta a roghnaigh siad.

Cé atá incháilithe? Náisiúnaigh de Bhallstáit an Aontais Eorpaigh nó de thíortha nach Ballstáit iad, a bhfuil bunchúrsa ardoideachais ar a laghad críochnaithe acu, agus teastas oifigiúil ón ollscoil á dheimhniú sin, agus atá in ann a bheith ag obair i gceann amháin de na cúig theanga oibre atá ag an Oifig (Béarla, Fraincis, Gearmáinis, Iodáilis agus Spáinnis).

Fad ama: 12 mhí agus 2 sheachtain

Pá: Is tréimhse oiliúna ar pá é seo

Dátaí tosaigh: Idir an 1 Meán Fómhair agus an 15 Deireadh Fómhair

Tá sé mar aidhm ag an scéim seo taithí phraiticiúil ar an Aontas Eorpach i gcoitinne agus ar an Oifig go háirithe a thabhairt do chéimithe ollscoile óga, taithí nach féidir a fháil aon áit eile. Is deis atá ann dóibh freisin an t-eolas a fuair siad agus iad i mbun staidéir, go háirithe sna sainréimsí inniúlachta a roghnaigh siad, a úsáid go praiticiúil. Chomh maith leis sin, cabhraíonn an scéim leo tuiscint a fháil ar na cuspóirí agus na próisis a bhaineann le trádmharc an Aontais Eorpaigh agus córas dearthóireachta an Chomhphobail, agus ar chúrsaí a bhaineann le sáruithe ar mhaoin intleachtúil agus ar fhorfheidhmiú an dlí sa réimse sin.

Cé atá incháilithe? Náisiúnaigh de Bhallstáit an Aontais Eorpaigh nó de thíortha nach Ballstáit iad, a bhfuil bunchúrsa ardoideachais ar a laghad críochnaithe acu, agus teastas oifigiúil ón ollscoil á dheimhniú sin, agus atá in ann a bheith ag obair i gceann amháin de na cúig theanga oibre atá ag an Oifig (Béarla, Fraincis, Gearmáinis, Iodáilis agus Spáinnis).

Fad ama: 12 mhí

Pá: Is tréimhse oiliúna ar pá é seo

Dátaí tosaigh: Níl aon dáta tosaigh ar leith leagtha síos

Is féidir le céimithe ollscoile as gach cearn den domhan cur isteach ar chlár oiliúna an Choimisiúin Eorpaigh. Is sa Bhruiséil (an Bheilg), sa Ghráinsigh (Éire), i Lucsamburg (Lucsamburg) agus i ngníomhaireachtaí agus seirbhísí i mBallstáit an Aontais atá na tréimhsí oiliúna ar fáil.

Bíonn tréimhsí oiliúna ar fáil i lear mór réimsí agus deis iontach is ea iad léargas a fháil ar obair an Aontais Eorpaigh. Braitheann a bhfuil i gceist leis an bpost den chuid is mó ar an roinn ina ndéanann an t-oiliúnaí a sheal oiliúna. Mar shampla, d’fhéadfadh na ranna a bheith ag feidhmiú i réimsí dhlí na hiomaíochta, na n-acmhainní daonna, an bheartais comhshaoil, na cumarsáide agus réimse eile nach iad.

Bíonn ar oiliúnaithe na cúraimí céanna a dhéanamh agus a bhíonn ar dhaoine nua-earcaithe. Go praiticiúil, d’fhéadfadh cúraimí éagsúla a bheith i gceist leis sin, mar shampla meithleacha agus cruinnithe a eagrú, eolas agus doiciméid a chur le chéile, tuarascálacha a ullmhú agus ceisteanna a fhreagairt, agus páirt a ghlacadh i gcruinnithe aonaid agus in imeachtaí eile.

Cé a fhéadfaidh iarratas a dhéanamh? Féadfaidh daoine a bhfuil céim in ábhar ar bith acu iarratas a dhéanamh, fad is atá an chéim bainte amach acu cheana (is iondúil gur féidir tras-scríbhinn a chur isteach mura bhfuil an teastas féin faighte go fóill). Níl saoránacht an Aontais éigeantach (cuirtear líon beag áiteanna i leataobh do dhaoine nach saoránaigh den Aontas iad), ach tá eolas ar dhá cheann de theangacha oifigiúla an Aontais ag teastáil. Buntáistí is ea taithí oibre agus oideachas iarchéime, ach ní critéir incháilitheachta iad.

An duine faoi mhíchumas thú atá ag iarraidh taithí oibre luachmhar a fháil in institiúidí an Aontais Eorpaigh? Féach leat tréimhsí oiliúna Blue Book sa Choimisiún Eorpach!

Tá roinnt beart i bhfeidhm ag Oifig Tréimhsí Oiliúna an Choimisiúin Eorpaigh chun tacú le hoiliúnaithe faoi mhíchumas agus cuidiú leo. Tá Oifig na dTréimhsí Oiliúna tiomanta tacú leis na hoiliúnaithe sin go dlúth agus faoi rún iomlán.

Cén fáth ar fiú cur isteach air?

• Tacaíocht airgeadais: Cuirtear méadú leis an deontas míosúil (suas le 50%), bunaithe ar mheasúnú ar na doiciméid a chuireann tú ar fáil d’Oifig na dTréimhsí Oiliúna (doiciméad tagartha oifigiúil).
• An t-ionad oibre a oiriúnú: Iarrthóirí a bhfuil socruithe speisialta de dhíth orthu le haghaidh cóiríocht réasúnta (mar gheall ar mhíchumas), is féidir leo leas a bhaint as bearta tiomnaithe. Má tá tú faoi mhíchumas a bhféadfadh socruithe réasúnta a bheith ag teastáil ina leith le linn do thréimhse oiliúna, cuir an méid sin in iúl d’Oifig na dTréimhsí Oiliúna.
• Tacaíocht agus líonraí: Oibríonn Oifig na dTréimhsí Oiliúna i gcomhar le líonraí foirne an Choimisiúin atá gníomhach i gcúrsaí éagsúlachta agus cuimsithe chun athrú dearfach a bhaint amach tríd an éagsúlacht agus an cuimsiú a chur chun cinn in institiúidí an Aontais. Cuireann na líonraí sin fáilte chroíúil roimh oiliúnaithe páirt a ghlacadh iontu le linn a dtréimhsí oiliúna. Is pointe teagmhála iad d’iarrthóirí ar mhian leo saincheisteanna pearsanta rúnda a phlé a bhaineann leis an éagsúlacht agus leis an gcuimsiú, ar saincheisteanna iad a chuirfeadh bac orthu iarratas a dhéanamh ar an scéim oiliúna. ASDEC: Comhlachas na mBall Foirne faoi Mhíchumas sa Choimisiún Eorpach: EC-STAFF-DISABILITY-ASDEC@ec.europa.eu

Tá an Coimisiún Eorpach lánchinnte go gcuireann an éagsúlacht lena chuid oibre agus, dá bhrí sin, déanann sé a dhícheall a chinntiú go mbraithfidh daoine faoi mhíchumas go bhfuil fáilte rompu agus go dtacaítear leo le linn a dtréimhse oiliúna. Bí i d’intéirneach Blue Book agus glac páirt i bhfoireann chuimsitheach a bhfuil meas aici ar éagsúlacht na tallainne!

Fad tréimhse: 5 mhí

An tréimhse oiliúna le pá í? Is ea. €1,376.89 in aghaidh na míosa (coigeartaithe in aghaidh an tseisiúin).

Dátaí tosaigh: An 1 Márta agus an 1 Deireadh Fómhair.

Foghlaim freisin faoi Chlár na nGairmithe Sóisearacha (JPP): Clár na nGairmithe Sóisearacha (JPP) – An Coimisiún Eorpach (europa.eu)

Tá sainordú ag Gníomhaireacht Iarnróid an Aontais Eorpaigh deimhnithe sábháilteachta aonair agus údaruithe feithiclí (cineálacha) a eisiúint i roinnt tíortha Eorpacha agus cinnte a dhéanamh de go bhfuil Córas Bainistíochta Tráchta Iarnróid idir-inoibritheach Eorpach i bhfeidhm, mar chuid d’fhorbairt agus de chur chun feidhme an Limistéir Eorpaigh Aonair Iarnróid.

Cé atá incháilithe? Céimithe ollscoile (cúrsa trí bliana ar a laghad), a bhfuil eolas maith acu ar an mBéarla agus ar theanga eile (i gcás náisiúnaigh den Aontas Eorpach caithfidh an teanga sin a bheith ar cheann de theangacha oifigiúla an Aontais).

Fad ama: 10 mí

Pá: Is tréimhse oiliúna ar pá é seo. Tuairim agus €1,500 sa mhí an pá.

Dátaí tosaigh: 1 Meán Fómhair

Tairgeann an Ghníomhaireacht tréimhsí oiliúna sna réimsí ar fad a mbíonn an sí ag plé leo, do chéimithe úrnua agus do mhic léinn ollscoile araon. Is é is aidhm dó sin caoi a thabhairt do na hoiliúnaithe ar eolas a chur ar an nGníomhaireacht agus ar an ról atá aici san obair a dhéanann an tAontas Eorpach.

Cé atá incháilithe? Náisiúnaigh de cheann de Bhallstáit EASA agus náisiúnaigh de thír a bhfuil stádas breathnóra aici ar Bhord Bainistíochta EASA agus a bhfuil baint ag an gcúlra atá acu leis an obair a dhéanann an Ghníomhaireacht.

Fad ama: 12 mhí

Pá: Is tréimhse oiliúna ar pá é seo.

Dátaí tosaigh: Níl aon dáta tosaigh ar leith leagtha síos.

Ar ateangairí nuacháilithe a mheasann Stiúrthóireacht na hAteangaireachta na teangacha atá acu a bheith úsáideach a bhíonn tréimhsí oiliúna san ateangaireacht dírithe. An aidhm atá ag na tréimhsí oiliúna ná caoi a thabhairt d'ateangairí nuacháilithe barr feabhais a chur ar a gcuid scileanna ateangaireachta, an ateangaireacht dhlíthiúil go háirithe, agus chuige sin cásanna a ullmhú, taighde téarmeolaíochta a dhéanamh agus cleachtaí praiticiúla a dhéanamh i "mbothán ciúin" agus an méid sin a dhéanamh faoi mhaoirseacht ball foirne den Stiúrthóireacht.

Cé atá incháilithe? Ateangairí nuacháilithe a bhfuil dioplóma acu san ateangaireacht comhdhála agus a bhfuil léamh na Fraincise acu.

Fad ama: 10–12 sheachtain

Reáchtálann Cúirt Iniúchóirí na hEorpa dhá thréimhse oiliúna in aghaidh na bliana i réimsí a bhaineann lena cuid oibre.

Cé a fhéadfaidh iarratas a dhéanamh? Náisiúnaigh den Aontas Eorpach a bhfuil dioplóma ollscoile aitheanta acu nó a bhfuil ar a laghad ceithre sheimeastar de staidéar ollscoile curtha i gcrích acu i réimse a mbíonn an Chúirt ag plé leis (iniúchóireacht, buiséad, cuntasaíocht, riarachán, acmhainní daonna, aistriúchán, cumarsáid, caidreamh idirnáisiúnta, dlí).

Fad tréimhse: idir 3 agus 6 mhí.

An tréimhse oiliúna le pá í?  Is ea; €1,600 in aghaidh na míosa.

Dátaí tosaigh: 1 Aibreán agus 1 Deireadh Fómhair, gach bliain.