Baineann cuid mhaith againn úsáid as ríomhairí corparáideacha le haghaidh tascanna nach mbaineann leis an obair.

Ar an gcúis sin, d’fhéadfadh go leor iarrthóirí i gcomórtais EPSO a bheith den bharúil go bhféadfaidís a ríomhairí corparáideacha a úsáid chun trialacha roghnúcháin ar líne EPSO a dhéanamh. Mar sin féin, is minic nach féidir déanamh amhlaidh. 

Ní mór do thríú páirtí – conraitheoir seachtrach – a bheith in ann do ríomhaire a rialú agus tú ag déanamh na trialach. I measc nithe eile, cuireann sé sin cosc ar iarrthóirí brabhsáil ar an idirlíon nó feidhmchláir eile a úsáid atá lasmuigh de shainchúram na dtrialacha.

I dtimpeallacht dhigiteach chliaint institiúideacha EPSO (i.e. na hinstitiúidí Eorpacha a ndéanann EPSO freastal orthu), chomh maith le páirtithe leasmhara corparáideacha eile, tá iliomad sraitheanna slándála TF curtha i bhfeidhm ar ríomhairí corparáideacha, ríomhairí glúine san áireamh.

Chun go mbeifí in ann trialacha roghnúcháin ar líne a dhéanamh ar ríomhaire corparáideach, bheadh ar riarthóir údaraithe iliomad rialuithe slándála a dhíchumasú, a mhaolú nó a athrú. Is ábhartha an méid sin i dtaca le ríomhairí a chuirtear ar fáil do bhaill foirne chliaint institiúideacha EPSO (e.g. an Coimisiún Eorpach, Parlaimint na hEorpa, Comhairle an Aontais Eorpaigh agus eile).

Ar ndóigh, ní mór do chliaint institiúideacha EPSO, lena n-áirítear páirtithe leasmhara corparáideacha eile, a chinntiú go laghdófar a laghad is féidir na rioscaí a bhaineann lena dtimpeallacht dhigiteach. 

Chun tuilleadh eolais a fháil faoi na srianta slándála atá i gceist, léigh an leathanach mioneolais seo de chuid EPSO.