Xogħol u ħajja fil-Lussemburgu

Il-Lussemburgu, li jinsab f’salib it-toroq bejn Franza, il-Belġju u l-Ġermanja, huwa famuż għall-enerġija kosmopolitana kif ukoll għall-kwalità tal-ħajja magħrufa u l-istandard tal-għajxien tiegħu ta’ livell għoli ħafna.

Mhux ta’ b’xejn huwa wieħed mill-aktar pajjiżi ferħana fid-dinja.

Bħala mikrokożmu reali tad-diversità Ewropea, dan in-nazzjon prosperu jospita 645,000 persuna ta’ 170 nazzjonalità differenti, li jitkellmu madwar 80 lingwa differenti.

Il-pajjiż u l-belt kapitali tiegħu – il-Belt tal-Lussemburgu – huma eżempju uniku ta’ tradizzjoni u modernità, b’taħlita ta’ bini kontemporanju, kastelli u natura spettakolari. Kollha tista’ tasal għalihom f’temp ta’ mixja qasira jew vjaġġ qasir.

Dikjarazzjoni ta’ Ċaħda ta’ Responsabbiltà: jekk jogħġbok innota li l-EPSO ma jistax jinżamm responsabbli għal-links ipprovduti minn entitajiet esterni u li huma disponibbli fuq din il-paġna web.

F’dawn l-aħħar snin, l-istituzzjonijiet tal-UE u ħafna kumpaniji internazzjonali għażlu lil-Lussemburgu bħala l-kwartieri ġenerali tagħhom.

Bit-tieni l-ogħla PDG per capita tad-dinja bħalissa u l-akbar ċentru bankarju privat fiż-Żona tal-Euro, il-Lussemburgu sar dejjem aktar attraenti għall-professjonisti kwalifikati. Is-suq tax-xogħol li qed jespandi tal-pajjiż huwa attraenti ħafna għall-konjuġi tal-impjegati taċ-ċivil li jfittxu opportunitajiet ta’ xogħol.

It-tkabbir ekonomiku u l-iżvilupp tal-Lussemburgu, wasslu għal żieda fil-popolazzjoni u ħolqu soċjetà miftuħa fejn kulħadd iħossu milqugħ. Il-kulturi u l-lingwi jitħalltu bla xkiel u kemm il-familji kif ukoll il-persuni waħedhom jistgħu faċilment jagħmlu l-ħbieb.

F’dan in-nazzjon multilingwi, l-Ingliż, il-Franċiż, il-Ġermaniż u l-Lussemburgiż huma l-erba’ lingwi l-aktar mitkellma. Peress li l-persuni espatrijati jiffurmaw kważi nofs il-popolazzjoni, il-ħajja ta’ kuljum tiżvolġi wkoll bil-Portugiż, it-Taljan, l-Ispanjol, l-Iżvediż, il-Finlandiż, ir-Rumen, fost oħrajn.

Minbarra ekonomija li qed tiffjorixxi, il-Lussemburgu joffri lir-residenti firxa wiesgħa ta’ benefiċċji, bħal:

Sistema ta’ sigurtà soċjali komprensiva u effettiva. Din tinkludi benefiċċji tal-familja bħall-allowance tat-twelid, il-liv tal-maternità u tal-paternità, il-liv tal-adozzjoni u tal-ġenituri; assistenza finanzjarja għall-indukrar tat-tfal; pensjonijiet; assistenza fl-edukazzjoni; għajnuna finanzjarja għax-xiri ta’ vettura elettrika jew ibrida, fost ħafna oħrajn.
Kura tas-saħħa ta’ standard għoli u ffinanzjata mill-istat li tagħti liċ-ċittadini kollha kopertura medika bażika.
Ambjent sikur u favur il-familja, popolari ħafna mal-komunità espatrijata.
Sistema edukattiva multilingwi fil-parti l-kbira tagħha bla ħlas u mmexxija mill-istat. Żewġ Skejjel Ewropej għat-tfal tal-istaff tal-UE u erba’ skejjel Ewropej akkreditati oħra huma parti minn dan in-network. F’livell ta’ edukazzjoni ogħla, l-Università tal-Lussemburgu hija waħda mill-istituzzjonijiet akkademiċi l-aktar internazzjonali tal-Ewropa, li tattira studenti minn madwar 120 pajjiż.
L-ewwel trasport pubbliku bla ħlas fid-dinja. Ara kif in-nies fil-Lussemburgu jivvjaġġaw bla ħlas bil-karozza tal-linja, bil-ferrovija u bit-tramm.

Il-Lussemburgu jinfirex b’mod armonjuż bejn il-belt u n-natura u jestendi minn bini urban u storiku għal lagi, għoljiet u foresti.

Il-pajsaġġ seren u varjat tal-pajjiż joffri divertiment lill-individwi u lill-familji u huwa perfett biex taqta’ mill-istress tal-ħajja ta’ kuljum.

Kemm jekk bil-mixi jew bil-karozza, il-Lussemburgu joffri dawra mżewqa bi ftit minn kollox: miċ-ċentru tal-belt il-qadima tal-Lussemburgu - sit ta’ Wirt Dinji tal-UNESCO - għal kastelli fil-quċċata tal-għoljiet, pjanuri, widien, xmajjar u l-ewwel riżerva Ewropea tan-natura transfruntiera.

Ir-rispett għall-ambjent huwa ta’ importanza kbira fil-Lussemburgu u meta tiġi biex tiddeverti, hawnhekk in-natura hija alleata tiegħek. Network kbir ta’ mogħdijiet għall-mixi u 600 kilometru ta’ perkorsi għaċ-ċikliżmu jagħmlu l-ivvjaġġar ekoloġiku bejn il-pajjiżi possibbli u sikur.

Dawk li jħobbu l-ilma jistgħu jagħżlu minn għadd kbir ta’ attivitajiet bħall-canoeing, il-kayaking, l-iskijjar tal-ilma, l-għawm, il-paddle boarding, is-sajd u ħafna aktar.

As one of the EU’s original founding members and first seat of European institutions, Luxembourg hosts a high concentration of EU institutions and bodies, allowing for attractive interinstitutional mobility opportunities:

Picture of the brochure

The European Commission has made available online a brochure introducing many aspects of life and work in Luxembourg: Soon in Luxembourg (europa.eu)

Although this brochure is aimed at staff already recruited by the European Commission to work in Luxembourg, it can also be of interest to all those who are planning to join EU Careers in Luxembourg.

image cercle culturel logo

The Cultural Circle of the European Institutions in Luxembourg (comprising the European Commission, the Council of the European Union, the European Parliament, the Court of Justice of the European Union, the European Court of Auditors, among others) offers you a wide range of cultural and leisure activities. Learn more about their offer on their website.

picture of the coverpage of the brochure

The AccessAble Luxembourg guide for persons with disabilities was created by five EU institutions and bodies based in Luxembourg, namely the European Parliament, the European Commission, the European Court of Auditors, the European Court of Justice and the European Investment Bank.

Tista’ żżur il-paġna tagħna “Opportunitajiet ta’ impjieg” biex issib postijiet tax-xogħol vakanti fil-Lussemburgu li bħalissa huma miftuħin għall-applikazzjoni.

Tgħallem aktar dwar in-network multilingwi tal-Iskejjel Ewropej fil-Lussemburgu fejn imorru ħafna tfal tal-istaff tal-UE.

Skola Ewropea, Lussemburgu I (kampus ta’ Kirchberg)
Skola Ewropea, Lussemburgu II (il-kampus ta’ Mamer)