Jekk tiddeċiedi li tapplika jekk jogħġbok segwi dawn l-istruzzjonijiet:

1. Oħloq il-Kont tal-Kandidat tiegħek skont l-istruzzjonijiet online.
2. Ikklikkja APPLIKA hawn taħt.
3. Illoggja fil-Kont tal-Kandidat tiegħek.
4. Iċċekkja l-istruzzjonijiet dwar kif timla l-formola. Meta tkun qed tapplika, jekk jogħġbok qis li ssegwi l-istruzzjonijiet fuq l-iskrins.
   Għandek diffikultajiet bl-aċċessibbiltà? L-aċċessibilità hi importanti ħafna għall-EPSO u qed naħdmu b’mod intensiv biex kontinwament intejbu l-aċċessibbiltà tal-proċeduri tagħna ta’ komunikazzjoni u selezzjoni. Għadek qed tiltaqa’ ma’ diffikultajiet biex taċċessa xi partijiet tas-sit web u/jew tad-dokumenti tagħna? Jekk jogħġbok ikkuntattjana! Nistgħu nipprovdulek formati aċċessibbli jew assistenza.
5. Il-mili tal-formola ta’ applikazzjoni hi proċedura li tieħu l-ħin. Nirrakkomandawlek li ma tħallix għall-aħħar mument. L-EPSO ma jistax jaċċetta applikazzjonijiet minn kandidati li jonqsu li jilħqu l-iskadenza stipulata.
6. Kun ċert li tagħżel il-qasam/grad/lingwa/profil tajjeb, meta applikabbli. Jekk m’intix ċert liema qasam/grad/lingwa/profil għandek tagħżel, jekk jogħġbok ikkonsulta l-Avviż tal-kompetizzjoni.

• Il-proċedura ta’ selezzjoni fiha diversi stadji. Sakemm id-data u l-ħin ma jkunux ikkonfermati, dawn għandhom dejjem jitqiesu bħala indikattivi.
• Aħna se nikkomunikaw miegħek permezz tal-Kont tal-Kandidat tiegħek. Hemm issib informazzjoni dwar il-progress tiegħek fil-proċedura, bħall-istediniet għat-testijiet u r-riżultati tat-testijiet tiegħek.
• Jekk jogħġbok iċċekkja l-Kont tal-Kanditat tiegħek tal-anqas darbtejn fil-ġimgħa matul il-proċedura ta’ selezzjoni.
• Kun af li mhuwiex biżżejjed li tikseb il-minimu meħtieġ fit-testijiet.
  Huma biss dawk li jiksbu l-ogħla marki li jgħaddu għall-fażi li jmiss tal-proċedura ta’ selezzjoni.