Jekk ħloqt il-profil tal-Portal Uniku tal-Kandidati tiegħek b’kont korporattiv tal-EU Login: 

Id-data tiegħek tiġi kkupjata minn Sysper u ma tistax tinbidel fil-Portal Uniku tal-Kandidati.  

Jekk ħloqt il-profil tal-Portal Uniku tal-Kandidati tiegħek b’kont estern tal-EU Login:  

Tista’ titlob bidla fid-data personali permezz tal-menu “Ikkuntattjana” fil-Portal Uniku tal-Kandidati. It-talbiet kollha għal tibdil iridu jkunu appoġġati minn kopja ta’ dokument uffiċjali li jiġġustifika l-bidla.  

Ta’ min wieħed jinnota li l-aċċettazzjoni ta’ din il-bidla tieħu diversi jiem għalhekk nixtiequ niġbdulek l-attenzjoni biex ma toħloqx talba identika oħra. Tistenniex sakemm il-bidla/bidliet tiġi/jiġu vvalidata/i, iżda kompli bl-applikazzjoni/bl-ibbukkjar tat-test tiegħek eċċ. 

Ikklikkja fuq “Data personali” fuq ix-xellug tal-profil tal-EPSO tiegħek u segwi l-istruzzjonijiet biex teditja l-informazzjoni personali tiegħek. 

Biex tibdel isem familtek (kunjomok) / isem familtek (kunjomok) mat-twelid / il-ġeneru / id-data tat-twelid / iċ-ċittadinanza, ibgħatilna sommarju qasir tat-talba tiegħek u kopja ta’ dokument uffiċjali li jiġġustifika l-bidla (kopja tal-passaport tiegħek, karta tal-identità nazzjonali, deċiżjoni legali eċċ.) b’email lil EPSO-PERS-DATA@ec.europa.eu. Ladarba t-talba tiegħek tiġi aċċettata mill-EPSO, il-bidla tkun viżibbli fil-Profil tal-EPSO tiegħek. Nixtiequ niġbdulek l-attenzjoni li kwalunkwe talba biex jinbidlu d-dettalji personali tista’ tiġi miċħuda jekk ma tibgħat l-ebda prova fi żmien ħamest ijiem. 

Kun af li l-aċċettazzjoni ta’ din il-bidla taf tieħu diversi jiem għalhekk nitolbuk li ma toħloq ebda talba identika oħra. Tistenniex sakemm il-bidla/bidliet tiġi/jiġu vvalidata/i, iżda kompli bl-applikazzjoni/bl-ibbukkjar tat-test tiegħek eċċ. 

Innota li d-data personali ġdida vvalidata tiegħek se titqies għall-applikazzjonijiet ivvalidati tiegħek. 

Skont l-applikazzjoni(jiet) fil-kont tal-Kandidat tiegħek, inżommu d-data tiegħek tal-anqas 12-il xahar wara li toħloq il-kont tal-Kandidat tiegħek. Informazzjoni ddettaljata dwar il-validità tad-data personali tinsab fl-Istqarrija Speċifika ta’ Privatezza dwar il-protezzjoni tad-data personali tal-EPSO li d-detenturi tal-kont jaqblu magħha meta joħolqu kont tal-Kandidati.