Minħabba problemi fin-network, il-formoli ta’ kuntatt online tagħna jaf ma jaħdmux u ma tkunx tista’ tibgħat il-mistoqsija tiegħek.

Normalment il-problema ddum biss ftit minuti, u f’dak il-każ, ġentilment nitolbuk terġa’ tipprova ftit aktar tard.

F’każ li l-problema tippersisti, jekk jogħġbok iċċekkja t-taqsima “aħbarijiet” fil-paġna ewlenija fejn normalment nippubblikaw informazzjoni rilevanti dwar il-kwistjoni.

F’każ li ma rrispettajtx data tal-iskadenza minħabba din il-problema, għandek tibagħtilna ritratt tal-iskrin tal-messaġġ ta’ żball li tirċievi, u, jekk possibbli, bid-data u l-ħin li kellek il-problema.

Dan hu eżempju ta’ tali ritratt tal-iskrin:

Tista’ tabbona għall-proċedura/i ta' selezzjoni ta’ interess tiegħek sabiex tiġi nnotifikat kull darba li l-EPSO jippubblika informazzjoni importanti bħal:

• aġġornamenti tal-iskeda ta’ żmien tal-proċedura tal-għażla, (jiġifieri, il-pubblikazzjoni tal-perjodu tal-ibbukkjar tat-testijiet tal-ħiliet tar-raġunament)
• pubblikazzjoni tan-numru ta’ applikazzjonijiet
• pubblikazzjoni ta’ aħbarijiet (jiġifieri l-estensjoni ta’ skadenza jew il-lista ta’ riżerva ta’ kompetizzjoni)

Biex tabbona, sempliċiment imla l-email tiegħek fil-kaxxa tal-abbonament fil-paġna tal-proċedura/i ta' selezzjoni kkonċernata/i (ara l-istampa hawn taħt).

Grafika 1.

Tista’ wkoll tabbona biex tirċievi notifika kull darba li l-EPSO jippubblika proċedura ta’ selezzjoni ġdida, billi timla l-email tiegħek fil-kaxxa tal-abbonament fil-paġna tal-opportunitajiet ta’ impjiegi (ara l-istampa hawn taħt).

Grafika 2.

Meta tipprovdi l-indirizz tal-email tiegħek inti taqbel mad-Dikjarazzjoni ta’ privatezza tad-Data.

Tista’ tħassar l-abbonament fi kwalunkwe ħin billi ssegwi l-link tat-tħassir tal-abbonament fl-email tan-notifika.

• Qabel tibda l-applikazzjoni tiegħek, ara li d-dettalji kollha fil-profil tal-EPSO tiegħek huma aġġornati.
• Trid taqra l-Avviż ta’ Kompetizzjoni/ is-Sejħa għal Espressjoni ta’ Interess u r-Regoli ġenerali biex tiżgura li tissodisfa r-rekwiżit kollha tal-eliġibbiltà.
• Issib il-link biex tapplika fis-sit web EU Careers ladarba jiftaħ il-perjodu ta’ reġistrazzjoni.
• Ħu l-ħin tiegħek biex timla l-applikazzjoni tiegħek, peress li teħtieġ xogħol konsiderevoli. Ir-responsabbiltà biex tivvalida l-applikazzjoni qabel l-iskadenza hija tiegħek biss.
• Qabel tivvalida l-applikazzjoni tiegħek,  iċċekkja l-kontenut  tal-applikazzjoni tab tab peress li ladarba tivvalida l-applikazzjoni ma tkunx tista’ tiġi modifikata aktar. 
• Trid timla l-applikazzjoni tiegħek bil-lingwa speċifikata fl-Avviż/fis-Sejħa.
• Indika kwalunkwe arranġament speċjali meħtieġ biex tkun tista’ tagħmel it-testijiet. L-informazzjoni hija disponibbli wkoll fis-sit web tal-EPSO. Ikkuntattjana minnufih jekk ikollok bżonn l-għajnuna bl-applikazzjoni online tiegħek.
• Għandek biss tikkopja/tippejstja minn text file (.txt) pur, billi tuża proċessur sempliċi tal-kliem (eż. NotePad fuq il-Windows, TextEdit fuq il-Mac OS X) biex tevita li tinserixxi spazji mhux neċessarji jew karattri inkompatibbli.
• Evita li tuża l-buttuni “forward” jew “back” tal-brawżer int u timla l-formola ta’ applikazzjoni u meta tiċċaqlaq bejn forom ta’ applikazzjoni differenti fil-profil tal-EPSO tiegħek (pereżempju biex taċċessa d-data mill-applikazzjonijiet preċedenti tiegħek) iżda minflok uża l-buttuni fuq l-iskrin.
• Is-sistemi tal-EPSO jappoġġaw il-brawżers tal-Internet l-aktar komuni. Jekk tiltaqa’ ma’ problemi, ikkunsidra li l-ewwel tibdel il-brawżer qabel ma tikkuntattjana. L-użu tal-apparat mobbli biex timla l-formola ta’ applikazzjoni mhux rakkomandat.
• Hekk kif tibda l-applikazzjoni tiegħek, se tirċievi numru tal-applikazzjoni. Dejjem semmi dan in-numru fil-korrispondenza tiegħek mal-EPSO.
• Il-kandidati jridu japplowdjaw u jillinkjaw dokumenti li jappoġġaw id-dikjarazzjonijiet tagħhom fil-formola tal-applikazzjoni sal-iskadenza fl-avviż ta’ kompetizzjoni. Il-kandidati ma għandhomx japplowdjaw dokumenti għall-applikazzjonijiet tagħhom għall-profili tal-aġenti kuntrattwali.
• Il-mistoqsijiet mibgħuta lis-Servizz ta’ Kuntatt tal-Kandidati tal-EPSO matul l-aħħar jiem tal-perjodu tal-applikazzjoni jistgħu ma jitweġbux qabel l-iskadenza għall-applikazzjonijiet.

Apply online for one of the selection procedures published on the EPSO website. You need to have an EPSO account to be able to apply. Spontaneous applications cannot be taken into account.