Xi pożizzjonijiet jeħtieġu esperjenza professjonali rilevanti.
Biex l-esperjenza tiegħek tgħodd, din trid tkun xogħol reali u mħallas, magħmul jew bħala impjegat jew bħala fornitur ta’ servizz, u rilevanti għad-dmirijiet fl-Avviż tal-Kompetizzjoni jew fis-Sejħa għal Espressjonijiet ta’ Interess.

X’tip ta’ esperjenza hija aċċettata?

• Xogħol imħallas: kwalunkwe tip ta’ kuntratt (impjegat, ħaddiem għal rasu, freelancer, impjegat taċ-ċivil, eċċ.).

• Xogħol volontarju: biss jekk ikun ikkumpensat b’xi mod u komparabbli ma’ xogħol full-time.

• Apprendistati: jekk ikunu mħallsa biss.

• Servizz militari: is-servizz militari obbligatorju jgħodd sad-durata legali f’pajjiżek.

• Liv tal-maternità/tal-ġenituri/tal-adozzjoni: jgħodd biss jekk jittieħed matul kuntratt ta’ xogħol attiv.

• PhD: jgħodd sa 3 snin esperjenza jekk il-PhD jitlesta b’suċċess.

• Xogħol part-time: jgħodd pro rata (eż., 50 % għal 6 xhur = 3 xhur).

Importanti:
Tiġi kkunsidrata biss l-esperjenza li tinkiseb wara l-kisba tad-diploma meħtieġa għall-kompetizzjoni.

Il-Bord tas-Selezzjoni jirrieżamina u jikkonferma l-eliġibbiltà. Id-deċiżjoni tiegħu se tidher fil-Kont tal-Kandidat tiegħek.