Chuaigh mé le seirbhísí an Choimisiúin Eorpaigh in 2019 ag obair mar oifigeach beartais in AS EMPL (Fostaíocht, Gnóthaí Sóisialta agus Cuimsiú). Is in aonad geografach a oibrím, rud a chiallaíonn go leanaim tír ar leith, an tSualainn i mo chás féin, agus go ndéanaim monatóireacht uirthi. Déanann comhghleacaithe eile i m’aonad monatóireacht ar fhorbairtí san Iodáil agus sa Danmhairg.

Tá an-éagsúlacht i mo phost agus tá an obair an-dúshlánach; baineann obair bheartais leis (agus béim ar shaincheisteanna fostaíochta agus sóisialta sa seimeastar Eorpach) chomh maith le bainistiú clár ar Chiste Sóisialta na hEorpa sa tSualainn.

Is é Béarla príomhtheanga oibre na hArd-Stiúrthóireachta ina n-oibrím, ach ós rud é go mbím ag díriú ar an tSualainn, bím ag obair trí mheán na Sualainnise chomh maith. Bíonn comhghleacaithe eile ag obair i dteangacha éagsúla na dtíortha ar a ndéanann siad monatóireacht. Tá an t-aonad s’againne sách ilteangach!

Tá máistreacht sa dlí agam ó Ollscoil Stócólm. Sular thosaigh mé ag obair leis an gCoimisiún Eorpach, d’oibrigh mé le heagraíocht neamhrialtasach abhcóideachta agus feachtasaíochta sa Bhruiséil.