Má thograíonn tú iarratas a dhéanamh, lean na treoracha seo a leanas:

1. Cruthaigh cuntas EPSO mura bhfuil ceann agat cheana. Tá cosc ar níos mó ná aon chuntas amháin EPSO a bheith agat agus is féidir thú a dhícháiliú ag céim ar bith den phróiseas roghnúcháin má tá níos mó ná cuntas amháin agat. Léigh na ceisteanna coitianta nó déan teagmháil linn má tá amhras ort faoin gceist seo.
2. Cliceáil ar “IARRATAS A DHÉANAMH” thíos.
3. Logáil isteach i do chuntas EPSO.
4. Léigh na treoracha faoi conas an fhoirm a líonadh isteach. Agus an fhoirm á líonadh isteach agat, lean na treoracha ar an scáileán.
   Deacrachtaí maidir le hinrochtaineacht? Leagann EPSO an-bhéim ar an inrochtaineacht agus bímid ar ár mbionda i gcónaí agus sinn ag iarraidh feabhas a chur ar chúrsaí cumarsáide agus ar ár gcuid próiseas roghnúcháin. An bhfuil deacrachtaí agat fós teacht ar chodanna áirithe de shuíomh gréasáin EPSO agus/nó ar dhoiciméid? Déan teagmháil linn! Is féidir linn formáidí inrochtana nó cúnamh a chur ar fáil duit.
5. Féach an fógra comórtais nó an ghlao ar léiriú spéise chun treoracha a fháil faoin teanga/faoi na teangacha is gá a úsáid chun an fhoirm iarratais a líonadh isteach.
6. Bainfidh sé tamall fada asat an fhoirm iarratais a líonadh isteach. Molaimid duit gan fanacht go dtí an nóiméad deireanach lena dhéanamh. Ní féidir le EPSO iarratais a ghlacadh ó iarrthóirí nach mbailíochtaíonn a n-iarratas roimh an sprioc-am.
7. Déan deimhin de go roghnaíonn tú an grád/teanga/próifíl cheart, nuair is infheidhme. Mura bhfuil tú cinnte cén grád/teanga/próifíl is ceart a roghnú, féach ar an bhfógra comórtais nó ar an nglao ar léiriú spéise.

• Tá roinnt céimeanna sa phróiseas roghnúcháin. Ach amháin sa chás go bhfuil dáta agus sprioc-am an phróisis roghnúcháin luaite, is ceart a mheas nach bhfuil san amchlár atá tugtha ach amchlár garbh.
• San fhógra comórtais/sa ghlao ar léiriú spéise tá cur síos ar shonraí iomlána na gcéimeanna éagsúla, amhail na cineálacha trialacha agus na pasmharcanna is gá a ghnóthú chun an chéad chéim eile den phróiseas roghnúcháin a bhaint amach, agus ba cheart iad a léamh go cúramach.
• Is trí do chuntas EPSO a dhéanfar cumarsáid leat. Sa chuntas sin beidh fáil ar gach eolas faoin dul chun cinn atá déanta agat sa phróiseas roghnúcháin, na cuirí chun trialacha, torthaí na dtrialacha, srl.
• Moltar duit breathnú i do chuntas EPSO dhá uair sa tseachtain ar a laghad le linn an phróisis roghnúcháin.
• Ba cheart duit a bheith ar an eolas go bhféadfadh sé nár leor pasmharcanna a ghnóthú sna trialacha i gcásanna áirithe. D’fhéadfadh sé nach gcuirfear ach na daoine a ghnóthaíonn na marcanna is airde ar aghaidh go dtí an chéad chéim eile den phróiseas roghnúcháin.