Cúntóirí i réimse na cumarsáide

picture of a man with long hair and glasses sitting in front of a computer

An bhfuil taithí i réimse na cumarsáide agat? Ar mhaith leat tús a chur le gairmréim idirnáisiúnta mar chuid d’fhoireann ilchultúrtha ilchineálach? Dá mba mhaith, léigh leat.

Tá cúntóirí (AST 3) á lorg ag institiúidí an Aontais sna réimsí seo a leanas: dearadh grafach agus táirgeadh ábhair amhairc, na meáin shóisialta agus an chumarsáid dhigiteach, agus stiúrthóirí gréasáin.

Is ag brath ar an réimse atá roghnaithe agat a bheidh na príomhchúraimí a bheidh ort. Tabhair do d’aire nach ceadmhach iarratas a dhéanamh ach ar aon cheann amháin de na réimsí seo a leanas:

Réimse 1 – Dearadh grafach agus táirgeadh ábhair amhairc Ar na príomhchúraimí a bheidh ort, beidh: dearadh grafach táirgí cumarsáide ar ardchaighdeán a chinntiú tríd na cainéil chló agus dhigiteacha, na meáin agus teangacha; sonraí a iompú ina n-íomhánna soiléire beachta; na treoirlínte institiúideacha maidir le sainaitheantas físeach agus le cumarsáid a chur i bhfeidhm; cuidiú le cur chur chun feidhme straitéisí cumarsáide institiúidí an Aontais Eorpaigh; úsáid a bhaint as Adobe Creative Cloud, go háirithe Illustrator, Photoshop, InDesign agus After Effects.
Réimse 2 – Na meáin shóisialta agus an chumarsáid dhigiteach Ar na príomhchúraimí a bheidh ort, beidh: ábhar fuaime agus físe sna meáin shóisialta a phleanáil agus a léiriú atá saincheaptha do spriocphobail; feachtais orgánacha agus íoctha ar na meán sóisialta a chur ar bun, faireachán a dhéanamh orthu agus iad a thomhas; comhoibriú le foirne inmheánacha eagarthóireachta, meán sóisialta agus faisnéise sonraí; faireachán agus bainistiú a dhéanamh ar phobail agus ar chomhráite ar líne; úsáid a bhaint as uirlisí meán sóisialta amhail Emplifi, Talkwalker, agus ardáin eile chun faireachán agus anailís a dhéanamh ar fheidhmíocht.
Réimse 3 – Stiúrthóir Gréasáin: Ar na príomhchúraimí a bheidh ort, beidh: suíomhanna gréasáin agus inlíonta na hinstitiúide a chruthú, a bhainistiú, a nuashonrú agus faireachán a dhéanamh orthu; ábhar gréasáin ilteangach agus inrochtana a chruthú; a chinntiú go gcloíonn ábhar, struchtúr agus nascleanúint le teicneolaíochtaí gréasáin atá ar chaighdeán an tionscail (i.e. HTML, CSS, agus JavaScript); ardáin seolta ríomhphost agus córais bainistíochta inneachair a bhainistiú; riachtanais ghnó a thiontú ina gceanglais theicniúla le haghaidh forbróirí; faireachán a dhéanamh ar fhorbairtí teicneolaíochta sa réimse lena mbaineann.

Tá eolas mionsonraithe faoi dhualgais shonracha an phoist le fáil san fhógra comórtais (féach Iarscríbhinn II – Príomhdhualgais).

An bhfuil an mianach ceart ionat?

Critéir incháilitheachta

Chun iarratas a dhéanamh, ní mór duit na ceanglais seo a leanas a chomhlíonadh:

A bheith i do náisiúnach den Aontas Eorpach agus cearta iomlána mar shaoránach den Aontas a bheith agat.
Ní mór eolas cuimsitheach a bheith agat ar cheann amháin de theangacha oifigiúla an Aontais agus eolas sásúil a bheith agat ar cheann eile de theangacha oifigiúla an Aontais.

Ní mór an méid seo a leanas a bheith agat chomh maith:

leibhéal iar-mheánoideachais dhá bhliain ar a laghad ar baineadh dioplóma amach dá bharr, agus taithí oibre ábhartha trí bliana ar a laghad a fuarthas ina dhiaidh sin. Is féidir leis an dioplóma a bheith sna réimsí seo a leanas:
- I gcás réimse 1: dearadh grafach nó gluaisne, cumarsáid amhairc, dearadh cumarsáide, nó cumarsáid.
- I gcás réimse 2: cumarsáid, margaíocht, iriseoireacht, léiriú íomhánna nó físe, staidéar Eorpach, caidreamh idirnáisiúnta, margaíocht dhigiteach, nó léann teanga.
- I gcás réimse 3: teicneolaíocht faisnéise agus cumarsáide (TCF), cumarsáid, margaíocht, iriseoireacht, léiriú íomhánna nó físe, dearadh gréasáin, na meáin dhigiteacha, nó margaíocht dhigiteach.

nó

leibhéal oideachais meánscoile ar baineadh dioplóma amach dá bharr lenar féidir leanúint ar aghaidh go dtí an t-oideachas iar-mheánscoile, agus taithí oibre ábhartha 6 bliana ar a laghad a fuarthas ina dhiaidh sin.

Féadfaidh na hiarrthóirí aon dá cheann de 24 theanga oifigiúla an Aontais a roghnú le haghaidh na dtrialacha. Nuair a chuirfear na hiarrthóirí a n-éireoidh leo ar phainéal, féadfaidh seirbhísí earcaíochta chomhlachtaí agus institiúidí an Aontais Eorpaigh ar spéis leo a bpróifíl dul i dteagmháil leo chun agallaimh earcaíochta spriocdhírithe a dhéanamh. Na hagallaimh sin agus aon phróiseas gaolmhar eile, tá siad lasmuigh den phróiseas roghnúcháin a dhéanann EPSO. Is iad na seirbhísí earcaíochta ábhartha a dhéanann na hagallaimh earcaíochta, i mBéarla agus/nó i bhFraincis de ghnáth. Féadfar teangacha eile a úsáid le linn na n-agallamh freisin, de réir riachtanais na seirbhísí earcaíochta agus an eolais a chuir na hiarrthóirí in iúl ina n-iarratas.

24 theanga oifigiúla de chuid an Aontais Eorpaigh le haghaidh na dtrialacha

Féadfaidh na hiarrthóirí aon dá cheann de 24 theanga oifigiúla an Aontais Eorpaigh a roghnú le haghaidh na dtrialacha.

Nuair a chuirfear na hiarrthóirí a n-éireoidh leo ar phainéal, féadfaidh seirbhísí earcaíochta chomhlachtaí agus institiúidí an Aontais Eorpaigh ar spéis leo a bpróifíl dul i dteagmháil leo chun agallaimh earcaíochta spriocdhírithe a dhéanamh. Na hagallaimh sin agus aon phróiseas gaolmhar eile, tá siad lasmuigh den phróiseas roghnúcháin a dhéanann EPSO. Is iad na seirbhísí earcaíochta ábhartha a dhéanann na hagallaimh earcaíochta, i mBéarla agus/nó i bhFraincis de ghnáth. Féadfar teangacha eile a úsáid le linn na n-agallamh freisin, de réir riachtanais na seirbhísí earcaíochta agus an eolais a chuir na hiarrthóirí in iúl ina n-iarratas.

Éagsúlacht agus Cuimsiú

Don duine atá fostaithe acu, cuireann institiúidí agus comhlachtaí an Aontais Eorpaigh pobal saineolais ar fáil maille le cuid mhór deiseanna ar a fhorbairt phearsanta agus a fhorbairt ghairmiúil a leathnú. Na foirne ilchultúrtha idirnáisiúnta ilchineálacha a bhíonn ag obair i státseirbhís an Aontais Eorpaigh, bíonn siad ag obair ar son tuairim agus 450 milliún saoránach den Aontas agus tuilleadh nach iad.

Tá institiúidí agus comhlachtaí an Aontais a n-oibríonn EPSO dóibh tiomanta don éagsúlacht agus don chuimsiú. Féachann siad leis an éagsúlacht a bhaint amach go gníomhach agus cuireann siad an cuimsiú chun cinn i measc a mball foirne. Dá bhrí sin, is mór ag EPSO iarratais ó iarrthóirí cáilithe ó chúlraí éagsúla agus ón mbonn geografach is leithne is féidir i measc Bhallstáit an Aontais Eorpaigh. Tá tuilleadh eolais faoin Éagsúlacht agus Cuimsiú in institiúidí agus comhlachtaí an Aontais le fáil ar an leathanach gréasáin tiomnaithe seo.

Tá eolas mionsonraithe faoi na riachtanais le fáil san fhógra comórtais ar an leathanach iarratais thíos.

Is féidir iarratas a dhéanamh ón 25 Meitheamh 2025 agus is é an 29 Iúil 2025 ar 12.00 (meán lae), am na Bruiséile, an sprioc-am do na hiarratais.

Tús a chur leis - Cúntóirí – Dearadh grafach agus léiriú ábhair amhairc

Tús a chur leis - Cúntóirí – Na meáin shóisialta agus an chumarsáid dhigiteach

Tús a chur leis - Cúntóirí – Stiúrthóir gréasáin