Il-proċeduri ta’ selezzjoni tal-istaff kuntrattwali jgħinu lill-istituzzjonijiet u lil-aġenziji tal-UE jirreklutaw staff f’diversi oqsma u r-reġistrazzjonijiet huma dejjem miftuħa.

L-istaff kuntrattwali jindirizza kompiti amministrattivi temporanji jew ikun ta’ appoġġ f’oqsma speċjalizzati fejn l-istituzzjonijiet tal-UE ma jkollhomx biżżejjed impjegati taċ-ċivil b’ħiliet suffiċjenti.

L-applikanti jridu joħolqu profil tal-EPSO biex idaħħlu informazzjoni personali, professjonali u edukattiva fil-bażi tad-data tal-istaff kuntrattwali.

Meta jinqala’ l-bżonn li jiġi rreklutat persunal kuntrattwali, issir tiftixa fil-bażi tad-data u tinħoloq lista ristretta ta’ kandidati li jaqblu mar-rekwiżiti tal-impjieg. Dawn il-kandidati jagħmlu testijiet ibbażati fuq il-kompjuter (MCQs) dwar raġunament verbali, numeriku u astratt, organizzati mill-EPSO u l-kandidati b’riżultati ta’ suċċess jistgħu jiġu mistiedna għal intervista mal-istituzzjoni ta’ reklutaġġ u jistgħu jiġu impjegati.

L-istituzzjonijiet tal-UE jistgħu jadattaw il-proċess ta’ selezzjoni għall-istaff kuntrattwali skont il-bżonn, u jżommu s-servizzi rilevanti infurmati. 

Irreġistra għal profili li jaqblu mal-ħiliet tiegħek.​