X’tip ta’ aġġustamenti speċjali nista’ nitlob?

Se tintalab tinforma lill-EPSO dwar it-tip ta’ aġġustamenti li jistgħu jkunu utli għalik, skont id-diżabbiltà jew il-kundizzjoni medika tiegħek u d-diffikultajiet li jirriżultaw minnha f’sitwazzjoni tal-ittestjar.

Skont il-każ se tiġi offrut akkomodazzjonijiet skont it-tip ta’ test li se tagħmel - b’qies tad-dokumentazzjoni ta’ appoġġ tiegħek u l-għarfien espert ta’ EPSO fil-qasam ta’ akkomodazzjonijiet raġonevoli għat-testijiet ta’ selezzjoni lil kandidati bi bżonnijiet speċifiċi. Għalhekk, l-akkomodazzjonijiet finali li se tirċievi jistgħu jkunu differenti minn dak li tkun tlabt inti.

Xi eżempji ta’ aġġustamenti possibbli:

• Żgurar tal-aċċessibilità
• Ħin addizzjonali biex tagħmel it-testijiet
• Test imkabbar jew software ta’ tkabbir
• Stampar bil-Braille jew keyboard tal-Braille
• Dawl adattat
• Skrivaniji aġġustabbli għall-għoli
• Assistenza individwali u ħafna iktar...

Skopri aktar fil-ħarsa ġenerali tal-akkomodazzjonijiet possibbli tal-EPSO fit-testijiet tas-selezzjoni.

Jekk jogħġbok innota li t-teknoloġija ta’ assistenza mhijiex disponibbli fl-istadji kollha tal-proċess ta’ selezzjoni. L-EPSO bħalissa qed jaħdem biex itejjeb il-proċeduri u s-servizzi tiegħu u se jkompli janalizza l-ħtiġijiet tiegħek sabiex joffrilek l-akkomodazzjonijiet meħtieġa u jippermettilek tagħmel it-testijiet fl-aħjar kundizzjonijiet possibbli.

IMPORTANTI: id-dispożizzjonijiet tal-akkomodazzjonijiet raġonevoli se jqisu t-twettiq tat-testijiet partikolari jew fiċ-ċentri tat-testijiet jew mill-bogħod.