Jekk tiddeċiedi li tapplika jekk jogħġbok segwi dawn l-istruzzjonijiet:

1. Oħloq il-profil tal-EPSO tiegħek jekk għad m’għandekx wieħed. Huwa strettament ipprojbit li jkun hemm aktar minn profil tal-EPSO wieħed u tista’ tiġi eskluż f’kull stadju tal-proċedura tal-għażla minħabba li jkollok aktar minn kont wieħed. Jekk jogħġbok iċċekkja l-FAQs tagħna jew ikkuntattjana jekk m’intix ċert.
2. Ikklikkja APPLIKA hawn taħt.
3. Illoggja fil-profil tal-EPSO tiegħek.
4. Iċċekkja l-istruzzjonijiet dwar kif timla l-formola. Meta tkun qed tapplika, jekk jogħġbok ara li ssegwi l-istruzzjonijiet fuq l-iskrins.
   Hemm diffikultajiet għall-aċċessibilità? L-aċċessibilità hi importanti ħafna għal EPSO u qed naħdmu b’mod intensiv biex kontinwament intejbu l-aċċessibilità tal-proċeduri tagħna ta’ komunikazzjoni u selezzjoni. Għadek qed tiltaqa’ ma' diffikultajiet biex taċċessa xi partijiet tas-sit web u/jew tad-dokumenti tagħna? Jekk jogħġbok ikkuntattjana! Nistgħu nipprovdulek formati aċċessibbli jew assistenza.
5. Jekk jogħġbok irreferi għall-Avviż ta' Kompetizzjoni jew għas-Sejħa għal espressjonijiet ta’ interess għall-istruzzjonijiet dwar il-lingwa/i li biha/bihom għandek tissottometti l-formola ta’ applikazzjoni tiegħek.
6. Il-mili tal-formola ta’ applikazzjoni hi proċedura li tieħu l-ħin. Nirrakkomandawlek li ma tħallix għall-aħħar mument. L-EPSO ma jistax jaċċetta applikazzjonijiet minn kandidati li jonqsu li jilħqu l-iskadenza stipulata.
7. Kun ċert li tagħżel il-grad/lingwa/profil tajjeb, meta applikabbli. Jekk m’intix ċert liema grad/lingwa/profil trid tagħżel, jekk jogħġbok ikkonsulta l-Avviż ta’ Kompetizzjoni jew is-Sejħa għal espressjonijiet ta’ interess.

• Il-proċedura ta’ selezzjoni fiha diversi stadji. Sakemm id-data u l-ħin ma jkunux ikkonfermati, dawn għandhom dejjem jitqiesu bħala indikattivi.
• Id-dettalji kollha dwar l-istadji differenti, bħat-tip ta’ testijiet u l-marki minimi meħtieġa biex wieħed jasal għall-istadju li jmiss tal-proċedura ta’ selezzjoni, huma deskritti fl-avviż tal-kompetizzjoni/tas-sejħa għal espressjoni ta’ interess, li għandhom jinqraw b’attenzjoni.
• Aħna se nikkomunikaw miegħek permezz tal-profil tal-EPSO tiegħek. Hemm issib informazzjoni dwar il-progress tiegħek fil-proċedura, bħall-istediniet għat-testijiet u r-riżultati tat-testijiet tiegħek.
• Jekk jogħġbok iċċekkja l-prodil tal-EPSO tiegħek tal-anqas darbtejn fil-ġimgħa matul il-proċedura ta’ selezzjoni.
• Għandek tkun taf li f’xi każijiet ma jkunx biżżejjed li jinkisbu l-marki minimi meħtieġa għat-testijiet, u dawk bl-ogħla marki biss jgħaddu għall-istadju li jmiss tal-proċedura ta’ selezzjoni.