Skip to main content
Logo tal-Kummissjoni Ewropea

Kif toħloq kont tal-Portal Uniku tal-Kandidati

Każ 1. Diġà għandek kont tal-EU Login:
 

  • Iċċekkja li l-kont tal-EU Login tiegħek huwa stabbilit kif suppost. Ara Kif nista’ nivverifika li l-kont tal-EU Login tiegħi huwa stabbilit b’mod korrett biex napplika permezz tal-Portal Uniku tal-Kandidati?
     
  • Żgura li ma ħloqtx il-kont tal-EU Login tiegħek bl-użu ta’ opzjonijiet ta’ partijiet terzi bħal: identifikazzjoni elettronika (pjattaformi tal-eID bħal: itsme, SPID, ROeID, DigiD, MitID etc.), Facebook jew Google. 

    Il-kontijiet maħluqa li jużaw reġistrazzjoni ta’ parti terza se jkollhom ID tal-utent li tibda b’“v00”. Mhux se tkun tista’ timla l-applikazzjoni tiegħek b’kont bħal dan, u se tidher il-pop-up li ġejja. Jekk tara dan il-messaġġ, trid toħloq kont tal-EU Login ġdid għall-applikazzjoni tiegħek:


     
  • Huwa permess li jkollok aktar minn kont wieħed tal-EU Login u tal-Portal Uniku tal-Kandidati.

Jekk m’intix ċert jekk għandekx diġà profil tal-EU Login, iftaħ l-EU Login u daħħal l-indirizz tal-email tiegħek biex tivverifika.
Jekk il-kont tal-EU Login tiegħek huwa stabbilit b’mod korrett:

  • illoggja fil-Portal Uniku tal-Kandidati u pproċedi għall-Pass 2 tal-istruzzjonijiet ta’ hawn taħt. 

Il-membri tal-persunal attwali u preċedenti tal-istituzzjonijiet, il-korpi u l-aġenziji tal-UE għandhom jaqraw bir-reqqa l-istruzzjonijiet tal-EU Login għall-persunal intern tal-UE.

 

Każ 2. Ma għandekx kont tal-EU Login:
 

PASS 1 – Oħloq kont tal-EU Login

  • Ikklikkja din il-link. (jekk diġà lloggjajt ikollok żball.)
     
  • Imla l-oqsma mitluba.
    Id-data personali fil-kont tal-EU Login tiegħek (il-kunjom, l-isem, id-data tat-twelid) trid taqbel mad-data fuq il-karta tal-identità jew il-passaport tiegħek. Jekk id-dokument tal-identità tiegħek fih diversi kunjomijiet jew ismijiet, trid telenkahom kollha.
     
  • Iċċekkja l-mailbox tiegħek.
    Ladarba tirreġistra, tintbagħat email mis-servizz tal-Awtentikazzjoni tal-Kummissjoni Ewropea fl-indirizz tal-email li pprovdejt. Jekk ma tistax issib l-email fl-inbox tiegħek, iċċekkja l-folder tal-ispam jew tal-junk tiegħek.
     
  • Oħloq il-password.
    Ikklikkja l-link fl-email biex toħloq il-password tiegħek. Se jinfetaħ l-iskrin tal-EU Login fil-browser tiegħek, li jitolbok toħloq il-password tiegħek. Daħħal u kkonferma l-password tiegħek. Ikklikkja “Ipproċedi” biex tilloggja.
     

  • Stabbilixxi l-awtentikazzjoni tat-tieni fattur.
    Ladarba tilloggja fil-kont tal-EU Login tiegħek bil-password tiegħek, ikollok tikkonfigurah b’metodu ta’ verifika addizzjonali. Għall-kompetizzjonijiet tal-EPSO, wieħed biss mill-metodi ta’ awtentikazzjoni li ġejjin huwa aċċettat:
               Applikazzjoni mobbli tal-EU Login:
               Biex iżżid apparat mobbli mal-kont tal-EU Login tiegħek, ara Kif iżżid apparat mobbli u l-app tal-EU Login.
               Jekk diġà llinkjajt l-apparat mobbli tiegħek ma’ EU Login differenti, uża l-metodu tal-Pjattaforma Fdata.

              Pjattaforma Fdata:
               Biex iżżid Pjattaforma Fdata, ara Kif iżżid pjattaforma fdata

Aħna nagħtu l-parir biex il-kandidati ma jużawx l-eID bħala metodu ta’ awtentikazzjoni tat-tieni fattur. Tista’ ssib informazzjoni addizzjonali u Mistoqsijiet Frekwenti dwar l-EU Login f’Għajnuna bl-EU Login. F’każ ta’ problemi bl-aċċess, ikkuntattja lill-EPSO.

 

PASS 2 - Illoggja fil-Portal Uniku tal-Kandidati

  • Ikklikkja din il-link.
     
  • Aċċetta l-politika dwar il-privatezza tad-data (mal-ewwel aċċess biss), id-dikjarazzjoni hija disponibbli wkoll fis-sit web tagħna.

 

PASS 3 - Imla d-data personali tiegħek fil-kont tal-kandidati tiegħek

Xi data personali tiegħek diġà mtliet minn qabel. Ivverifika li l-informazzjoni hija korretta u identika għall-informazzjoni fil-karta tal-identità jew fil-passaport tiegħek. Jekk dan ma jkunx il-każ, aġġorna d-data personali tiegħek immedjatament wara li toħloq il-kont tiegħek billi tissottometti talba permezz ta’ “Talba biex tiġi aġġornata d-data personali tiegħek” fit-taqsima Ikkuntattjana. 

L-oqsma obbligatorji huma mmarkati b’*.

Jekk għandek numru tat-telefown wieħed biss, tista’ tikkupjah fiż-żewġ oqsma. Uża biss il-format li ġej: + il-kodiċi tal-pajjiż, segwit min-numru.
Trid iżżid mill-inqas nazzjonalità waħda.
 

Ladarba l-profil tiegħek ikun komplut, tista’ tikklikkja “Issejvja u pproċedi għall-portal”