Tugann Clár Oiliúna EFSA deis ar leith duit páirt a ghlacadh i bhfoireann gairmithe ó gach cearn den domhan atá ag obair le chéile i dtimpeallacht idirnáisiúnta ilchultúrtha maidir le tionscadail Eolaíochta, Bia Sábháilte agus Inbhuanaitheachta atá i gcroílár ghníomhaíochtaí an Údaráis Eorpaigh um Shábháilteacht Bia.  

Táimid ag tnúth le fáilte a chur roimh dhaoine óga spreagtha ó chúlraí éagsúla acadúla agus gairmiúla (eolaithe, gairmithe cumarsáide agus dlí, saineolaithe TF, etc.). 

Ag EFSA cuirfear do chuid smaointe, scileanna agus eolais i gcroílár timpeallacht oibre chomhoibríoch agus beidh tú in ann tionchar a bheith agat ar an tsábháilteacht bia do na milliúin saoránach.

Critéir incháilitheachta

• Céim ollscoile 3 bliana ar a laghad a bheith bainte amach agat cheana féin faoin dáta deiridh le hiarratas a dhéanamh; 
• Eolas maith ar an mBéarla (leibhéal íosta: B2 de réir CCTE); 
• Gan a bheith i d’oiliúnaí EFSA riamh, ná fostaithe ag EFSA in aon cháil, agus gan aon luach saothair a fháil as; 
• Na riachtanais charachtair atá riachtanach do na dualgais atá i gceist a chomhlíonadh (e.g. mionnscríbhinn chun a dheimhniú nach bhfuil aon taifead coiriúil agat).

Critéir roghnúcháin:

   Eolas ar réimse a bhaineann le gníomhaíochtaí EFSA, sin nó taithí sa réimse sin. 

   Inniúlachtaí:

• Oibriú le daoine eile: oibriú go muiníneach i ngrúpa agus rannchuidiú le spriocanna comhchoiteanna a bhaint amach; tuiscint a bheith agat ar do ról féin agus ar an dóigh a dtacaíonn an ról sin leis an bhfoireann agus leis an eagraíocht; a bheith in ann comhoibriú, éisteacht go gníomhach, coinbhleachtaí a bhainistiú agus comhghleacaithe a spreagadh.  
• Pleanáil le haghaidh torthaí agus torthaí a thomhas: spriocanna uaillmhianacha a leagan síos agus pleananna a chruthú chun iad a bhaint amach. 
• Tionscadail a bhainistiú: a bheith in ann am, acmhainní agus faisnéis a bhainistiú ar bhealach éifeachtach chun torthaí an tionscadail a bhfuil coinne leo a chomhlíonadh.
• Éirim pholaitiúil agus gastacht straitéiseach a léiriú: a bheith in ann breathnú níos faide ná an staid reatha agus féidearthachtaí na todhchaí a shamhlú, a bheith in ann smaoineamh ar bhealach cruthaitheach nuálach.
• Cumarsáid a dhéanamh i mBéarla: a bheith in ann cumarsáid éifeachtach a dhéanamh i mBéarla. 

Fad tréimhse: 12 mhí

An tréimhse oiliúna le pá í? Is ea; €1,463 in aghaidh na míosa atá sa deontas.