Informazzjoni importanti li wieħed għandu jżomm f’moħħu
- Xi kandidati setgħu ġew ittestjati mill-kuntrattur il-ġdid tal-EPSO f’kuntesti oħra. Il-kandidati li qabel kienu installaw l-applikazzjoni tagħhom għal testijiet oħra għandhom ineħħu kompletament l-applikazzjoni (inklużi l-“files moħbija” kollha) u jerġgħu jinstallawha fil-kompjuters tagħhom biex jagħmlu testijiet relatati mal-EPSO. Il-kandidati se jirċievu struzzjonijiet speċifiċi dwar kif jagħmlu dan, meta jiġu mistiedna mill-EPSO biex jagħmlu t-testijiet tagħhom.
- Il-kandidati jridu jwettqu kontroll ta’ prerekwiżit tekniku biex jiżguraw li l-apparat tagħhom ikun lest biex jappoġġja l-esperjenza tal-ġurnata tal-ittestjar. Il-kontroll ta’ prerekwiżit tekniku jippermetti lill-kuntrattur tat-test jivverifika jekk il-kandidati jissodisfawx il-kundizzjonijiet tekniċi, pereżempju l-installazzjoni tal-verżjoni korretta tal-applikazzjoni (2.1.1), u b’hekk jiġi żgurat li ma jkun hemm l-ebda problema, pereżempju, bil-kamera, il-mikrofonu, u karatteristiċi oħra. Dan jiżgura wkoll li l-kandidati jkunu familjari mal-pjattaforma tal-ittestjar, il-funzjonalitajiet tagħha, u l-għodod li għandhom jintużaw taħt kundizzjonijiet ta’ eżami. Il-kandidati li jonqsu milli jlestu l-kontroll ta’ prerekwiżit tekniku sal-iskadenza u jesperjenzaw problemi tekniċi matul is-sessjoni tal-ittestjar tagħhom ma jistgħux jingħataw l-opportunità li jerġgħu jagħmlu t-testijiet. Fid-dawl tal-importanza ta’ dan it-test ta’ prerekwiżit tekniku, il-kandidati se jirċievu email speċifika mill-kuntrattur tat-test dwar dan u se jiġu mfakkra wkoll mill-EPSO dwar l-importanza tiegħu qabel is-sessjoni tal-ittestjar.
- Irid ikollok l-hekk imsejħa “drittijiet ta’ amministratur” fuq il-kompjuter tiegħek. Fil-prattika, dan ifisser li l-użu ta’ kompjuters korporattivi mhuwiex permess. Jekk jogħġbok aqra n-nota tal-EPSO Għaliex ma nistax nuża l-kompjuter korporattiv tiegħi għat-testijiet ta’ selezzjoni online tal-EPSO? | EU Careers (europa.eu) għal aktar informazzjoni dwar dan ir-rekwiżit.
- Fis-sit web tagħna tista’ taqra wkoll id-Dikjarazzjoni ta’ privatezza għall-ittestjar online.
