L-istandards tal-ittestjar tal-EPSO skont il-mudell il-ġdid tal-kompetizzjoni

Il-mudell il-ġdid tal-kompetizzjoni tal-EPSO jagħmel użu intensiv mill-ittestjar online bbażat fuq il-kompjuter, jiġifieri kwestjonarji b’għażla multipla (eż. testijiet tal-ħiliet ta’ raġunament, testijiet tal-għarfien tal-UE u testijiet oħra relatati mal-qasam, testijiet tal-ħiliet diġitali) u testijiet bil-miktub, inklużi eżerċizzji ta’ traduzzjoni u ta’ reviżjoni lingwistika.

It-tabella ta’ hawn taħt fiha informazzjoni indikattiva fir-rigward tan-numru ta’ punti u t-tul tat-testijiet għaż-żewġ tipi ewlenin ta’ kompetizzjonijiet organizzati mill-EPSO, il-Ġeneralisti u l-Ispeċjalisti. Jekk jogħġbok innota li, f’xi każijiet, varjazzjonijiet żgħar huma possibbli, f’konformità mal-ħtiġijiet speċifiċi tal-istituzzjonijiet u l-korpi tal-UE li l-EPSO jaħdem għalihom.

Biex issir aktar familjari mat-testijiet ta’ selezzjoni tal-EPSO, jekk jogħġbok żur il-paġna web iddedikata tagħna.